1. Home
  2. Regional
  3. ભાવનગરના પોપટનગરમાં ખાનગી કંપની દ્વારા છોડાતા દુષિત પાણીથી રહીશો ત્રાહીમામ
ભાવનગરના પોપટનગરમાં ખાનગી કંપની દ્વારા છોડાતા દુષિત પાણીથી રહીશો ત્રાહીમામ

ભાવનગરના પોપટનગરમાં ખાનગી કંપની દ્વારા છોડાતા દુષિત પાણીથી રહીશો ત્રાહીમામ

0

ભાવનગરઃ ઉનાળાની શરૂઆત થતાં જ ભાવનગર શહેરના પછાત વિસ્તારોમાં પાણીની તંગીની વ્યાપક ફરિયાદો ઉઠવા પામી છે. એક તરફ શહેરના પછાત વિસ્તારોમાં રહેતા ગરીબ અને સામાન્ય લોકો નિયમિત અને સમયસર પૂરતા પ્રેશરથી પાણી ન મળતું હોવાની ફરિયાદ કરી રહ્યા છે તો બીજી તરફ શહેરના છેવાડે આવેલી એક ખાનગી કંપની દ્વારા પાણીના બેફામ બગાડ સાથે છોડાતા દૂષિત અને દુર્ગંધયુક્ત પાણીના કારણે સ્થાનિકોને રહેવું મુશ્કેલ ભર્યું બન્યું છે.

ભાવનગર શહેરના રૂવાપરી રોડ પર છેવાડે આવેલા પોપટનગરના રહીશો નજીકમાં જ આવેલા ખાનગી કંપની દ્વારા છોડાતા દૂષિત અને દુર્ગંધયુક્ત પાણીના કારણે છેલ્લા લાંબા સમયથી ભારે પરેશાની વેઠી રહ્યા છે. એક તરફ આ વસાહતમાં વસતા ગરીબ અને જરૂરીયાત મંદ પરિવારને સમયસર અને નિયમિત પીવા માટે પૂરતા પ્રેશરથી પાણી મળતું નથી તેવી ફરિયાદ છે તેવામાં બીજી તરફ કંપની દ્વારા પોતાની કંપનીમાં નજીવો વપરાશ કરીને દૈનિક હજ્જારો ગેલન પાણી છોડી પાણીનો બગાડ કરવામાં આવી રહ્યો હોવાની પણ સ્થાનિકો દ્વારા ફરિયાદો ઉઠવા પામી છે. હદ તો એ વાતની છે કે કંપની દ્વારા પાણીના યોગ્ય નિકાલ કરવામાં ન આવતા સ્થાનિક કક્ષાએ દૂષિત અને દુર્ગંધ યુક્ત પાણીનું એક નાનકડું તળાવ બન્યું છે જેના કારણે સ્થાનિકોને રહેવું મુશ્કેલ ભર્યું બન્યું છે અહીં દૂષિત અને દુર્ગંધ યુક્ત પાણીના કારણે સ્થાનિકો રોગચાળાના ભરડામાં સપડાઇ રહ્યા હોવાનો પણ આક્ષેપ કરી રહ્યા છે. જોકે આ અંગે સ્થાનિકો દ્વારા કંપનીના સત્તાધીશોથી લઇ મહાનગર પાલિકા તંત્ર સુધી રજૂઆત કરવા છતાં તેમને કોઇ સાંભળતા શુધ્ધા ન હોવાની વ્યથા વ્યકત કરી રહ્યા છે. સ્થાનિકો એમ પણ જણાવી રહ્યા છે કે કંપની દ્વારા છોડાતા દૂષિત અને દુર્ગંધ યુક્ત પાણીની સમસ્યા યથાવત્ રહેશે તો નાછુટકે રહીશોને હિજરત કરવાની ફરજ પડશે જો કે આ અંગે ભાવનગર મહાનગરપાલિકાએ કંઇ પણ કહેવાનો ઇન્કાર કરી દિધો હતો.

tags:

LEAVE YOUR COMMENT