in ,

સરકારી વીજ કંપનીમાં વિદ્યુત સહાયક અને જુનિયર એન્જિનિયરોની ભરતી પરીક્ષા રદ

  • ભરતી પરીક્ષા 850 કર્મચારીઓ માટે હતી
  • પરીક્ષા ફોર્મ સમયે ભરેલી ફી રીફન્ડ કરાશે
  • પરીક્ષા રદ કરાતા ઉમેદવારોમાં નારાજગી

અમદાવાદઃ ગુજરાતમાં બિન સચિલાવયની પરીક્ષામાં ગેરરીતીના મુદ્દે ઉમેદવારોએ પરીક્ષા રદ કરવાની માંગણી સાથે દેખાવો કર્યા હતા. દરમિયાન સરકારની વીજ કંપનીએ વિદ્યત સહાયક અને જુનિયર એન્જિનિયરોની ભરતીની પરીક્ષા રદ કરવામાં આવી છે. ઉમેદવારોને પરીક્ષા રદ કરવાનું કોઈ ચોક્કસ કારણ આપ્યા વગર માત્ર એક મેસેજ મારફતે ભરતી રદની જાણ કરવામાં આવી છે. જો કે, ફોર્મ ભરતી વખતે ભરેલા રૂ. 500 ઉમેદવારોને રિફન્ડ કરવામાં આવશે. ભરતી માટેની લાયકાતમાં ફેરફાર કરાયો હોવાથી પરીક્ષા રદ કરવામાં આવી હોવાનું જાણવા મળે છે.

સુત્રોના જણાવ્યા અનુસાર સરકારી કંપની PGVCl, DGVCl, MGVCL માટે 150 એન્જિનિયરો અને 700થી વધુ કલાર્કની પરીક્ષા રદ કરવામાં આવી છે. આની ભરતીનાં ફોર્મ વર્ષ 2018નાં જુલાઇ મહિનામાં ભરાવ્યાં હતાં. લાખોની સંખ્યામાં ઉમેદવારોએ ફોર્મ ભર્યા હતા. દરમિયાન ભરતી રદ કરવામાં આવી હોવાની વીજ કંપની દ્વારા ઉમેદવારોને મેસેજ દ્વારા જાણ કરવામાં આવી છે. ભરતી રદનાં મેસેજમાં તેવું પણ જણાવવામાં આવ્યું છે કે, પરીક્ષા ફોર્મ સમયે ભરવામાં આવેલી ફી રીફન્ડ મળશે. થોડા જ સમયમાં આ અંગેની બીજી જાહેરાત પણ બહાર પાડવામાં આવશે. તેમજ આ અંગેનું નવું નોટિફિકેશન બહાર પાડવામાં આવશે.

ઉર્જા વિભાગના એક અધિકારીના જણાવ્યા અનુસાર, રાજ્ય સરકારે આ ભરતી માટેની લાયકાત નક્કી કરવામાં આવી હતી તેમાં ફેરફાર કરવામાં આવ્યો છે. જેના કારણે આ ભરતી પરીક્ષા રદ કરવામાં આવી છે.

Leave a Reply

Your email address will not be published. Required fields are marked *

ગુજરાતમાં 5 વર્ષમાં સરકારે 17514 વ્યક્તિઓને આપી દારૂ પીવાની પરમિટ

બહાર જમવાના શોખીનો માટે માઠા સમાચાર- હોટલનું જમવાનું થઈ શકે છે મોંધુ