REGIONALગુજરાતી

પ્રિયંકા ગાંધીની અટકાયતના ગુજરાતમાં પડ્યાં પડઘાઃ અમદાવાદમાં કોંગ્રેસના દેખાવો

અમદાવાદઃ ઉત્તર પ્રદેશના સોનભદ્રમાં થયેલા નરસંહારના સમગ્ર દેશમાં ઘેરા પ્રત્યાઘાત પડ્યાં છે. દરમિયાન પીડિતોની મુલાકાતે જઈ રહેલા પ્રિયંકા ગાંધીની અટકાયત કરવામાં આવતા તેના પડઘા ગુજરાતમાં પડ્યાં છે. અમદાવાદમાં કોંગ્રેસના નેતા-કાર્યકરોએ દેખાવો યોજીને વિરોધ નોંધાવ્યો હતો. જેથી પોલીસે દેખાવો કરતા નેતાઓની અટકાયત કરી હતી. પોલીસ અને કોંગ્રેસના નેતા-કાર્યકરો વચ્ચે ઘર્ષણ થયું હતું.

ઉત્તર પ્રદેશના સોનભદ્રમાં બુધવારે સરપંચ અને તેમના સમર્થકોએ આદિવાસીઓની જમીન પર કબજો મેળવવાનો પ્રયાસ કર્યો હતો. વિરોધ કરતાં 10 આદિવાસીઓની હત્યા કરવામાં આવી હતી. આ મામલો ધોરવાલ જિલ્લામાં 90 વિઘા વિવાદીત જમીનનો છે. જેના ત્રણ દિવસ બાદ કોંગ્રેસના નેતા પ્રિયંકા ગાંધી સોનભદ્ર જવા માટે રવાના થયા હતા, પરંતુ તેમને રસ્તામાં જ રોકવામાં આવ્યા હતા અને તેમની અટકાયત કરવામાં આવી હતી.  પ્રિયંકા ગાંધીની અટકાયતને લઈને અમદાવાદમાં કોંગ્રેસ દ્વારા ધરણાં કરવામાં આવ્યા હતા. પાલડી ખાતે આવેલા કોચરબ આશ્રમ પાસે કોંગ્રેસના ધરણાં કરી રહેલા ગુજરાતના પ્રભારી રાજીવ સાતવ તથા પ્રદેશ પ્રમુખ અમિત ચાવડાની અટકાયત કરવામાં આવી હતી. કોંગ્રેસે દેખાવો કરવા માટે વિવાદિત પોસ્ટર બનાવ્યું છે. આ પોસ્ટર પર ઉત્તર પ્રદેશના મુખ્યમંત્રી યોગી આદિત્યનાથનું કાર્ટૂન બનાવ્યું છે. જેમાં સીએમ યોગીના એક હાથમાં તલવાર અને બીજા હાથમાં ન્યાયનું ત્રાજવું દર્શાવ્યું છે. 

અત્રે ઉલ્લેખનીય છે કે, કોંગ્રેસ દ્વારા પણ ગઈકાલે પણ વડોદરા સહિતના શહેરો-નગરોમાં દેખાવો યોજવામાં આવ્યા હતા.

Related posts
BEAUTYગુજરાતી

બ્યુટી પાર્લરમાં બનતા મોંઘા ફેશિયલને બનાવો ઘરે બેઠા, સંતરાની છાલનો કરો આ રીતે ઉપયોગ

સંતરા અથવા નારંગીના છે અનેક ફાયદા ચહેરાની સુંદરતા વધારવામાં પણ છે ઉપયોગી ઘરે બેઠા જ બનાવી શકો છે ફેશિયલ પેક બજારમાં આજે…
Regionalગુજરાતી

ભૂમિ સુપોષણ અભિયાન: ગુજરાતમાં યોજાશે ભૂમિપૂજન કાર્યક્રમ, 6000 ગામોમાં ખેડૂતો ભૂમિ સુધારણાનો લેશે સંકલ્પ

રાસાયણીક ખાતર-જંતુનાશક દવાઓથી જમીનની ફળદ્રુપતા નષ્ટ થઇ ચૂકી છે આ સંજોગોમાં ધરતી માતાને ફરીથી ફળદ્રુપ બનાવી નવપલ્લવીત કરવી આવશ્યક છે આ જ…
Nationalગુજરાતી

હવે ઘરેલૂ ફ્લાઇટમાં ભોજન નહીં મળે, જાણો ઉડ્ડયન મંત્રાલયનો નિર્ણય

કોરોનાના સ્ફોટક સંક્રમણ વચ્ચે નાગરિક વિમાન મંત્રાલયે લીધો નિર્ણય વિમાન મંત્રાલયે કોરોનાને કાબૂ કરવાની દિશામાં મોટું પગલું ભર્યું 2 કલાકથી ઓછી સ્થાનિક…

Leave a Reply