in ,

અમરેલી માર્કેટ યાર્ડમાં કપાસની આવક શરૂઃ ખેડૂતોને સારા ભાવ મળવાની આશા

રાજકોટઃ ગુજરાતમાં ચાલુ વર્ષે ચોમાસામાં કપાસનું સૌથી વધારે વાવેતર થયું છે. ત્યારે અમરેલી માર્કેટીંગ યાર્ડમાં આજથી કપાસના પાસની આવક શરૂ થઈ છે. એક ખેડૂત કપાસ લઈને વેચવા આવતા કપાસની હરાજીનો આરંભ થયો હતો. કપાસ રૂ. 1952માં વેચાયો હતો. ચાલુ વર્ષે ખેડૂતોને કપાસના સારા ભાવ મળવાની આશા વ્યક્ત થઈ રહી છે.

અમરેલી માર્કેટીંગ યાર્ડમાં આજથી નવા કપાસની આવક શરૂ થઈ છે. અમરેલી જિલ્લાના ધારાગણી ગામ ના કનુભાઈ લવજીભાઈ ગજેરા નામના ખેડૂત દ્વારા અમરેલી માર્કેટીંગ યાર્ડમાં એક પેઢીમાં બે ગાંસડી કપાસ લઈને આવ્યા હતા. જે કપાસની હરાજી થતા મુહર્ત ના સોદા પાડવા માટે વેપારીઓ દ્વારા તે માલ ની હરાજી કરાઈ હતી. કપાસ રૂ. 1952માં વેચાયો હતો. આ વર્ષે સારા વરસાદને લીધે કપાસમાં સારી આવક જોવા મળે તેવું વેપારીઓ અને ખેડૂતો માની રહ્યા છે અમરેલીના એક વેપારીએ જણાવ્યા અનુસાર અમરેલી જિલ્લામાં ૧૦ થી ૧૫ દિવસમાં નવા કપાસની વધુ આવક જોવા મળશે. આ વર્ષે વરસાદ ઘણો મોડો થવાના કારણે ઘણા સેન્ટરોમાં હજી તો કપાસના વાવેતર થઈ રહ્યા છે ત્યારે અમરેલી જિલ્લામાં નવા કપાસની આવક જોવા મળતા વેપારીઓ અને ખેડૂતો માં આનંદ ની લાગણી પ્રસરી ગઈ છે. અત્યારે ગત વર્ષના જૂના કપાસના ભાવ ૧૨૦૦ થી ૧૨૫૦ રૂપિયા જોવા મળેલ છે જેની સામે નવા કપાસ ના ૧૯૫૨ રૂપિયા મુહર્તના સોદામાં પડેલા તો અત્યારે સારા ભાવ મળવાની શકયતા છે.

Leave a Reply

Your email address will not be published. Required fields are marked *

પાકિસ્તાનના ચક્કરમાં પડવું અણસમજણ, અમેરિકાની થિંક ટેંકની ડોનાલ્ડ ટ્રમ્પને સલાહ

ડિફેન્સ કંપનીઓના 7000 કર્મચારીઓનું દેશવ્યાપી પ્રદર્શન, ઉત્પાદન ઠપ થવાનો ખતરો