1. Home
  2. ગુજરાતી
  3. કચ્છમાં ફરી એકવાર ભૂકંપનો આંચકો, 4ની તીવ્રતા નોંધાઈ
કચ્છમાં ફરી એકવાર ભૂકંપનો આંચકો, 4ની તીવ્રતા નોંધાઈ

કચ્છમાં ફરી એકવાર ભૂકંપનો આંચકો, 4ની તીવ્રતા નોંધાઈ

0

અમદાવાદઃ સૌરાષ્ટ્ર-કચ્છમાં છેલ્લા કેટલાક દિવસોથી ભૂકંપના આંચકા આવે છે. ગઈકાલે ગોંડલમાં ભૂકંપનો આંચકો આવ્યો હતો. દરમિયાન આજે કચ્છમાં ધરા ધ્રુજી હતી. કચ્છમાં 4ની તીવ્રતાનો ભૂકંપનો આંચકો આવતા લોકોમાં ફફડાટ ફેલાયો હતો. જો કે, સદનસીબે ભૂકંપના આ આંચકામાં કોઈ જાનહાની થઈ નહીં હોવાનું જાણવા મળે છે.

રાજ્યમાં છેલ્લા બે મહિનાથી અવાર-નવાર ભૂકંપના આંચકા આવે છે. બે મહિનાના સમયગાળામાં લગભગ ભૂકંપના 70થી વધારે આંચકા અનુભવાયાં છે. દરમિયાન આજે સવારે કચ્છમાં ભૂકંપનો આંચકો આવ્યો હતો. જેનું કેન્દ્રબિંદુ ભચાઉથી 9 કિમી દૂર નોંધાયું હતું. આ ઉપરાંત ઉપલેટામાં સવારે 2.6ની તીવ્રતાનો ધરતીકંપનો આંચકો અનુભવાયો હતો. ધરતીકંપથી લોકોમાં ભયનો માહોલ જોવા મળ્યો હતો. ધરતીકંપનું કેન્દ્રબિંદુ ઉપલેટાથી 16 કિલોમીટર દુર હોવાનું સામે આવ્યું છે.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code