1. Home
  2. ગુજરાતી
  3. 85 લાખ રૂપિયામાં વેચાયુ આ કેળુ! તસવીર થઇ રહી છે વાયરલ
85 લાખ રૂપિયામાં વેચાયુ આ કેળુ! તસવીર થઇ રહી છે વાયરલ

85 લાખ રૂપિયામાં વેચાયુ આ કેળુ! તસવીર થઇ રહી છે વાયરલ

0

જો કોઇ તમને સવાલ કરે કે એક કેળાની કિંમત શું હોય, તો તમે વધુને વધુ 10 રૂપિયા કિંમતથી આગળ નહીં વધી શકો. પરંતુ ઘરના ડાયનિંગ ટેબલ પર રાખેલા એ જ કેળાની કિંમત 85 લાખ રૂપિયાથી વધુ હોય તો તમે શું કહેશો? ચોંકી ગયા ને? જી હા, પણ આ હકીકત છે. વાત એમ છે કે હાલમાં ડક્ટ ટેપથી દીવાલમાં ચોંટાડેલી એક કલાકૃતિ સતત સમાચારમાં છે. જણાવી દઇએ કે મિયામી બીચ પર આર્ટ બેસલ એ બુધવારે આ કલાકૃતિને 85.81 લાખ રૂપિયામાં વેચી છે.

https://www.instagram.com/p/B5q1-q9lSMN/?utm_source=ig_web_copy_link

ઇટલીના મશહૂર કલાકાર મૌરિઝિયો કૈટેલને તેને બનાવી છે. મૌરિઝિયો અગાઉ પણ ત્રણ કલાકૃતિ બનાવી ચૂક્યા છે, જેમાંથી બેનું પહેલા જ વેચાણ થઇ ચૂક્યું છે.

પેરિસની આર્ટ ગેલેરી પેરોટિનના માલિક ઇમૈનુઅલ પૈરાટિને જણાવ્યું કે કેળુ વૈશ્વિક વ્યાપાર તેમજ હ્યુમરનું પ્રતિક છે. આ કલાકૃતિને ‘કોમેડિયન’ નામ અપાયું છે. પેરોટિને ફેસબુક પોસ્ટ કરતા લખ્યું કે આ કેળાના ટૂકડાની કિંમત દર્શાવે છે કે આપણે કઇ રીતે મૂલ્ય નિર્ધારિત કરીએ છીએ અને કઇ વસ્તુને મહત્વ આપીએ છીએ.

કલાકૃતિમાં ઉપયોગ કરાયેલા કેળાને મિયામીના એક ગ્રોસરી સ્ટોરમાંથી ખરીદવામાં આવ્યું છે. તેમાં ડક્ટ ટેપના એક ટૂકડાને લગાડાયો છે. કલાકૃતિની સાથે તેની વિશ્વસનીયતાનું એક પ્રમાણપત્ર પણ છે.

LEAVE YOUR COMMENT

Your email address will not be published.