Uncategorized

‘રેડ લાઈટ ઓન, ગાડી ઓફ’, દિલ્હીમાં પ્રદૂષણ રોકવા માટે સીએમ કેજરીવાલનું નવું અભિયાન

  • મુખ્યમંત્રી અરવિંદ કેજરીવાલે યોજી પ્રેસ કોન્ફરન્સ
  • પ્રદુષણ રોકવા મુદ્દે સીએમ એ શરૂ કર્યું નવું અભિયાન
  • દિલ્હીમાં ‘રેડ લાઈટ ઓન, ગાડી ઓફ’ અભિયાન શરૂ

નવી દિલ્લી:  દિલ્હીના મુખ્યમંત્રી અરવિંદ કેજરીવાલે પ્રદૂષણના મુદ્દે પ્રેસ કોન્ફરન્સ યોજી હતી. આ દરમિયાન તેમણે કહ્યું હતું કે, ખેતરોમાં પરાળ સળગવાના કિસ્સા શરૂ થઈ ગયા છે અને મુખ્યમંત્રી કેજરીવાલે કહ્યુ કે આની અસર દિલ્લીમાં પહોચી જાય તો પણ ઓછી થઈ જતી હશે પણ જે ગામડાઓમાં પરાળ સળગાવવામાં આવતી હશે તે ગામના ખેડૂતોની શુ હાલત થતી હશે.

કેજરીવાલે કહ્યું, “આ કહાની વર્ષો સુધી ચાલતી આવે છે. પરાળ સળગાવવાથી ધુમાડો દિલ્હી પહોચી રહ્યો છે, તેના વિશે અમે કંઇ કરી શકીએ તેમ નથી. પરંતુ દિલ્હીમાં આપણા પ્રદૂષણને ઘટાડવા માટે જે -જે પગલાં અમે લઇ શકીએ છીએ, તે અમે લઇ રહ્યા છીએ.

‘આજથી નવી ઝુંબેશ શરૂ થઈ રહી છે’

અરવિંદ કેજરીવાલે કહ્યું કે,”રેડ લાઈટ ઓન,ગાડી ઓફ કેમ્પેન શરૂ કરી રહ્યા છીએ.” અમે આજથી નવું કેમ્પેન શરૂ કરવા જઈ રહ્યા છીએ. જ્યારે આપણે દરરોજ રેડ લાઇટની ટોચ પર આપણી ગાડી ઉભી રાખીએ છીએ, ત્યારે તે સમયે આપણી ગાડી બંધ કરતા નથી. તે સમયે ગાડીમાંથી કેટલો ધુમાડો નીકળે છે. ”

તેમણે કહ્યું કે વિચારો કે દિલ્હીમાં એક કરોડ વાહનો રજીસ્ટર્ડ છે. દરરોજ 30 થી 40 લાખ વાહનો પણ દિલ્હીના રસ્તાઓ પર આવતા હોય છે અને જો તે રેડ લાઇટ પર ધુમાડો છોડતા હોય ત્યારે કેટલો ધુમાડો થતો હશે. તેનો અર્થ એ કે રેડ લાઈટ પર ગાડીને બંધ રાખવી જોઈએ.

‘પ્રદૂષણ રોકવા માટે લીધા અનેક પગલાં’

સીએમ કેજરીવાલે કહ્યું કે, દિલ્હીમાં પ્રદૂષણ ઘટાડવા માટે અમે ઘણી પહેલ કરી છે. આ અંતર્ગત રાજધાની દિલ્હીમાં બસોની સંખ્યામાં વધારો કરવામાં આવ્યો છે. દિલ્હીમાં પરાળને નષ્ટ કરવાના પગલા લેવામાં આવ્યા છે. આ સાથે વૃક્ષારોપણ નીતિ લાગુ કરવામાં આવી છે. તેમજ ઇલેક્ટ્રિક વાહન નીતિ પણ લાગુ કરવામાં આવી છે. તેનાથી ઇલેક્ટ્રિક વાહનોમાં વધારો થશે. અમે 25 ટકા પ્રદૂષણ ઘટાડવાનો પ્રયાસ કર્યો છે. ”

તેમણે એમ પણ કહ્યું કે, જો દિલ્હીનો દરેક નાગરિક પ્રદૂષણ ઘટાડે તો તે લોકોના હિતમાં રહેશે. કોરોનાને કારણે આમ પણ લોકો દુઃખી છે, જો પ્રદૂષણ વધી ગયું તો તે જીવલેણ પણ સાબિત થઇ શકે તેમ છે.