in ,

ભારતીય જળસીમામાંથી 3 બોટ સાથે 17 માછીનારોનું પાકિસ્તાને કર્યું અપહરણ

  • પાકિસ્તાન મરીન સિક્યુરીટીની દખલગીરી વધી
  • 15 દિવસમાં અપહરણની ત્રીજી ઘટના

અમદાવાદઃ ભારતીય જળસીમામાં છેલ્લા કેટલાક સમયથી પાકિસ્તન મરીન સિક્યુરીટી એજન્સીની ચાંચિયાગારી વધી છે. એટલું જ નહીં અવારનવાર ભારતીય માછીમારોનું બોટ સાથે અપહરણ કરવામાં આવે છે. દરમિયાન પાકિસ્તાન મરીન સિક્યુરીટીએ માછીમારી કરતા 17 ભારતીય માછીમોરનું 3 બોટ સાથે અપહરણ કર્યું હતું. આ માછીમારો ભારતીય જળસીમાં માછીમારી કરતા હતા ત્યારે પાકિસ્તાન મરીન સિક્યુરીટી એજન્સીઓ આવી પહોંચી હતી.

સુત્રોના જણાવ્યા અનુસાર ભારતીય જળસીમા વિસ્તારમાં ભારતીય માછીમારો માછીમારી કરી રહ્યાં હતા ત્યારે પાકિસ્તાન મરીન સિક્યુરિટીની ટીમ બોટમાં આવી હતી. તેમજ બંદુકના નાળચે 3 બોટ સાથે 17 માછીમારોનું અપહરણ કર્યું હતું. આ ત્રણ પૈકી એક બોટ પોરબંદરની હોવાનું જાણવા મળે છે. જેમાં પાંચ માછીમારો માછીમારી કરતા હતા. આ ઉપરાંત અન્ય બે બોટ ઓખા અને દ્વારકાની હોવાનું જાણવા મળે છે. ભારતીય માછીનારોના અપહરણની ઘટનાને પગલે અન્ય માછીમારોમાં નારાજગી ફેલાઈ છે. પાકિસ્તાન મરીન સિક્યુરિટી એજન્સીએ છેલ્લા 15 દિવસમાં 3 વખત ભારતીય માછીમારોનું અપહરણ કર્યું હોવાનું જાણવા મળે છે.

Written by Revoi Network

Leave a Reply

Your email address will not be published. Required fields are marked *

Coronavirus: India stands by China, sending supplies to fight the epidemic

T-20 રેન્કિંગ: કોહલી 10માં ક્રમાંક પર, બુમરાહ ટૉપ 10થી બહાર