REGIONALગુજરાતી

અમદાવાદ: કોરોનાના કેસ વધતા AMC હરકતમાં, 140 ટીમો દ્વારા ચેકિંગ હાથ ધરાયું

  • અમદાવાદમાં ચિંતાજનક રીતે કોરોનાના કેસ વધતા AMC હરકતમાં
  • અમદાવાદના અલગ અલગ વિસ્તારમાં 140 ટીમો દ્વારા ચેકિંગ હાથ ધરાયું
  • સોલિડ વેસ્ટ મેનેજમેન્ટની ટીમ કોરોના ગાઇડલાઇનના પાલનની કરી રહી છે ચકાસણી

અમદાવાદ: અમદાવાદમાં કોરોના સંક્રમણના કેસમાં ચિંતાજનક રીતે ઉછાળો આવતા હવે અમદાવાદ મ્યુનિસિપલ કોર્પોરેશન હરકતમાં આવ્યું છે. સોલિડ વેસ્ટ વિભાગ દ્વારા ભીડભાડવાળી જગ્યાઓ પર જઇને કાર્યવાહી કરવા માટે 140 ટીમો દ્વારા ચેકિંગ હાથ ધરવામાં આવ્યું છે. કોરોનાના કેસ વધતા ડૉ.રાજીવ કુમાર ગુપ્તાના અધ્યક્ષ સ્થાને મળેલી બેઠક બાદ શહેરમાં સોલિડ વેસ્ટ મેનેજમેન્ટ વિભાગની ટીમોને કોરોનાની ગાઇડલાઇનના પાલન કરાવવા માટે ઉતારી દેવામાં આવી છે.

દિવાળીમાં માર્કેટમાં લોકોની ભીડ ઉમટ્યા બાદ આટલા દિવસો પછી કાર્યવાહીના જવાબમાં સોલિડ વેસ્ટ ડિરેક્ટર, હર્ષદ સોલંકીએ જણાવ્યું હતું કે, દિવાળીમાં લોકોને આર્થિક નુકસાન ના થાય તે માટે પહેલા કામગીરી હાથ ધરવામાં આવી નહોતી. હવે જો ભીડ થશે તો તમામ એકમો પર કાર્યવાહી થશે. હાલમાં સંક્રમણ વધ્યું છે તો લોકો પણ સતર્કતા દાખવીને સાથ સહકાર પૂરો પાડે તે આવશ્યક છે.

આ જગ્યાએ લેવાયા પગલાં

AMC તંત્ર હરકતમાં આવતા મણિનગરમાં આવેલી પારસી અગિયારી પાસેની પાણીપુરી, કાંકરિયા માસીની પાણીપુરીની દુકાનો પર ભીડ એકત્ર થતા તેને બંધ કરી દેવામાં આવી હતી. S G Highway પર વાઇડ એન્ગલ સિનેમા પાસે બર્ગર કિંગમાં પણ સોશિયલ ડિસ્ટન્સિંગના નિયમોનું ઉલ્લંઘન થતા તેને સીલ મારવામાં આવી હતી. અમદાવાદના અલગ અલગ વિસ્તારોમાં સોલિડ વેસ્ટ મેનેજમેન્ટની ટીમ દ્વારા કાર્યવાહી કરવામાં આવી રહી છે.

અમદાવાદ શહેરમાં કોરોના સંક્રમણના તાજેતરના આંકડા પર નજર કરીએ તો છેલ્લા 24 કલાકમાં શહેર અને જીલ્લામાં કુલ 220 નવા કેસ નોંધાયા હતા. કુલ 221 દર્દી સ્વસ્થ થતાં તેમને ડિસ્ચાર્જ કરવામાં આવ્યા છે. 17 નવેમ્બરની સાંજથી 18 નવેમ્બરની સાંજ સુધીમાં શહેરમાં 207 અને જીલ્લામાં 13 નવા કેસ નોંધાયા છે.

(સંકેત)

Related posts
INTERNATIONALગુજરાતી

વિજ્ઞાન જગતમાં સન્નાટો, વિશ્વનું સૌથી મોટું ટેલિસ્કોપ Arecibo થયું ધ્વસ્ત

વિજ્ઞાન જગતમાં સન્નાટો છવાયો વિશ્વનું સૌથી મોટું ટેલિસ્કોપ Arecibo થયું ધ્વસ્ત ટેલિસ્કોપ ધ્વસ્ત થવાથી વિશ્વ અને વિજ્ઞાનને નુકસાન વોશિંગ્ટન: વિજ્ઞાન જગતને મોટો…
REGIONALગુજરાતી

અમદાવાદમાં ચીફ ફાયર ઓફિસર અને ડેપ્યુટી ફાયર અધિકારી થયા કોરોના સંક્રમિત

અમદાવાદઃ શહેરમાં દિવાળી બાદ કોરોના વાયરસના કેસ ઝડપથી વધી રહ્યાં છે. ત્યારે હવે અમદાવાદના મનપાના અધિકારીઓ અને કર્મચારીઓ કોરોનાની ઝપટે ચડી રહ્યાં…
REGIONALગુજરાતી

અમદાવાદમાં કોરોના ગાઈડલાઈનનું પાલન નહીં કરનારાઓને શોધી કાઢવા પોલીસે બનાવ્યો એકશન પ્લાન

અમદાવાદઃ ગુજરાતની હેરિટેઝ સિટી અમદાવાદમાં કોરોના વાયરસના કેસ સતત વધી રહ્યાં છે. તેમજ મોટી સંખ્યામાં દરરોજ માસ્ક વગર પકડાય છે. ત્યારે પોલીસે…

Leave a Reply