- અભિનેતા અરશદ વારસીનો આજે જન્મદિવસ
- મુન્નાભાઈ એમબીબીએસમાં સર્કિટ તરીકે મેળવી ખ્યાતિ
- ટીવીની દુનિયામાં જજ અને હોસ્ટ તરીકે પણ કામ કર્યું
મુંબઈ: બોલિવૂડના શ્રેષ્ઠ અભિનેતા અરશદ વારસીનો આજે જન્મદિવસ છે. મુન્નાભાઈ એમબીબીએસમાં સર્કિટ તરીકે ખ્યાતિ મેળવનાર પ્રખ્યાત અભિનેતા હિન્દી ફિલ્મ ઇન્ડસ્ટ્રીના કેટલાક શ્રેષ્ઠ નાટકોનો ભાગ રહ્યો છે. અરશદ વારસીની એક્ટિંગના માત્ર ચાહકો જ નહીં પરંતુ વિવેચકો પણ વખાણ કરે છે.ફિલ્મોની સાથે હવે અરશદ ઓટીટી પ્લેટફોર્મ પર પણ પોતાની એક્ટિંગ સ્કિલ બતાવી રહ્યો છે.તેણે ટીવીની દુનિયામાં જજ અને હોસ્ટ તરીકે પણ કામ કર્યું છે. તો, અરશદ વારસીના જન્મદિવસના ખાસ અવસર પર ચાલો જાણીએ તેના વિશે કેટલીક એવી વાતો, જેના વિશે તેના કેટલાક ચાહકો કદાચ અત્યાર સુધી અજાણ છે.
અરશદ વારસીનો જન્મ મુસ્લિમ પરિવારમાં થયો હતો, તેના પિતાનું નામ અહમદ અલી ખાન હતું. તેણે તેના પિતાને નાની ઉંમરે ‘બોન કેન્સર’થી ગુમાવ્યા અને અને પિતાને ગુમાવ્યાના બે વર્ષ પછી તેણે તેની માતાને પણ ગુમાવી.અઢાર વર્ષની ઉંમરથી તેણે જીવન નિર્વાહ કરવા માટે કામ કરવાનું શરૂ કર્યું.તેમના પ્રારંભિક જીવનમાં અરશદને કોસ્મેટિક કંપનીમાં સેલ્સમેન તરીકે કામ કર્યું હતું.તે એક શાનદાર ડાન્સર પણ છે.
અરશદના કહેવા પ્રમાણે નસીરુદ્દીન શાહ અને વિદ્યા બાલન સાથેની તેની ફિલ્મ ‘ઈશ્કિયા’ તેના માટે ખૂબ જ પડકારજનક હતી.આ ફિલ્મમાં તેણે બે એક્ટિંગ માસ્ટર્સને ટક્કર આપી હતી.વારસીએ 2006માં ભારતીય ટેલિવિઝન પર લોકપ્રિય રિયાલિટી શો બિગ બોસ પણ હોસ્ટ કર્યો હતો.અરશદ વારસીએ 14 ફેબ્રુઆરી 1999ના રોજ મારિયા ગોરેટી સાથે લગ્ન કર્યા હતા.તેઓને બે બાળકો છે.તેમની પત્ની મારિયા અને પુત્ર ઝેકે બંનેએ સલામ નમસ્તેમાં વિશેષ ભૂમિકાઓ ભજવી હતી.