ગોમાઃ પૂર્વી કોંગોમાં બળવાખોરોના નિયંત્રણ હેઠળના વિસ્તારમાં સોનાની ખાણ ધસી પડતાં ઓછામાં ઓછા 10 લોકો માર્યા ગયા હતા. સુત્રોના જણાવ્યા અનુસાર, કાબારે પ્રદેશમાં લુહિહી ખાણ મોડી રાત્રે “આબોહવા પરિવર્તનને કારણે થતી કુદરતી આફત” ને કારણે તૂટી પડી હતી. દક્ષિણ કિવુના પૂર્વમાં સ્થિત, આ વિસ્તાર વારંવાર પૂર અને ભૂસ્ખલનથી પ્રભાવિત રહે છે. દક્ષિણ કિવુ રવાન્ડાની સરહદે છે. 2023 માં કાલેહે પ્રદેશમાં અચાનક પૂરમાં ઓછામાં ઓછા 400 લોકો મૃત્યુ પામ્યા હતા.
સુત્રોએ જણાવ્યું હતું કે, લુહિહી એક ગેરકાયદેસર ખાણ હોવાથી ઘણી અનિયમિતતાઓ હતી અને કામદારો સલામતીના નિયમોનું પાલન કરી રહ્યા ન હતા. બળવાખોર અર્ધલશ્કરી જૂથ M23 સત્તામાં આવ્યા તે પહેલાં દક્ષિણ કિવુના ગવર્નર જીન-જેક્સ પુરુસીએ ખાણ પતનની પુષ્ટિ કરી હતી. તેમણે કહ્યું કે અકસ્માતમાં ઓછામાં ઓછા છ લોકોના મોત થયા છે અને કાટમાળ નીચે ફસાયેલા ઘણા મૃતદેહો હજુ સુધી બહાર કાઢવાના બાકી છે. બળવાખોરો દ્વારા નિયુક્ત કરાયેલા બ્વેંગેએ કહ્યું કે ઓછામાં ઓછા 10 લોકો માર્યા ગયા છે.