- એક્ટર સોનુ સૂદનો આજે જન્મદિવસ
- કોરોનામાં અનેક લોકોની કરી મદદ
- ફિલ્મ ‘કલ્લાજહગર’ થી કરી કરિયરની શરૂઆત
મુંબઈ :બોલિવુડ એક્ટર સોનુ સૂદ ભલે ફિલ્મોમાં વિલનની ભૂમિકા ભજવતા હોય, પરંતુ કોરોના કાળ દરમિયાન તેણે લોકોને જે રીતે મદદ કરી તેઓ તેમના મસીહા બની ગયા છે. લોકોને નિ:સ્વાર્થપણે મદદ કરીને, તેઓ દેશના લોકો માટે તેમના વાસ્તવિક જીવનના હીરો બની ગયા છે. એટલું જ નહીં, તે એક પ્રખ્યાત અભિનેતા છે અને તેણે હિન્દી, અંગ્રેજી, તમિલ, કન્નડ અને પંજાબી એમ પાંચ જુદી જુદી ભાષાઓમાં ફિલ્મોમાં કામ કર્યું છે. અભિનય ઉપરાંત સોનુ બીજી ઘણી વસ્તુઓમાં પણ નિષ્ણાત છે. 30 જુલાઈએ સોનુ પોતાનો 48 મો જન્મદિવસ ઉજવી રહ્યા છે.
સોનુએ પોતાની ફિલ્મી કારકિર્દીની શરૂઆત વર્ષ 1999 માં તમિલ ફિલ્મ ‘કલ્લાજહગર’ થી કરી હતી. જોકે તેને તેની સાચી ઓળખ ફિલ્મ ‘યુવા’ થી મળી હતી. આ પછી ‘એક વિવાહ..એસા ભી’, ‘જોધા અકબર’, ‘શૂટઆઉટ એટ વડાલા’, ‘દબંગ’, ‘સિમ્બા’માં તેમને ઓળખ મળી. હાલમાં, સોનુ સૂદને પરપ્રાંતિય મજૂરો માટે ભગવાન માનવામાં આવે છે. તેના કાર્યના બધે જ વખાણ થઈ રહ્યા છે.
સોનુ સૂદ આજકાલ સોશિયલ મીડિયા પર ખૂબ જ એક્ટિવ છે અને પોતાના કૌશલ્યથી તેના ચાહકોનું મનોરંજન કરે છે. તે તેના વ્યાવસાયિક અને વ્યક્તિગત જીવન વચ્ચે ખૂબ જ સારું સંતુલન જાળવે છે.
સોનુ સૂદની પત્નીનું નામ સોનાલી છે. સોનુ અને સોનાલીએ વર્ષ 1996 માં લગ્ન કર્યા. તેને બે પુત્રો પણ છે. ટૂંક સમયમાં જ બંને લગ્નના 25 વર્ષ પૂર્ણ કરવા જઈ રહ્યા છે.