મધ્યપ્રદેશમાં કોંગ્રેસે બદલ્યા 4 ઉમેદવારો,જાણો કોને ક્યાંથી મળી ટિકિટ

• એમપીમાં કોંગ્રેસે ચાર ઉમેદવારો બદલ્યા
• સુમાવલીથી અજબ સિંહન આપી ટિકિટ 
• બડનગરથી મુરલી મોરવાલને આપી ટિકિટ 

ભોપાલ: મધ્યપ્રદેશમાં યોજાનારી વિધાનસભા ચૂંટણી માટે કોંગ્રેસે તેની તમામ તાકાત લગાવી દીધી છે. પાર્ટી જીતેલા ઉમેદવારો પર જ દાવ લગાવવા માંગે છે.જેના કારણે ઉમેદવારોમાં ફેરબદલ કરવામાં આવી રહી છે.તાજેતરમાં કોંગ્રેસે તેના ઉમેદવારોની યાદી જાહેર કરી હતી પરંતુ હવે પાર્ટીએ તેના ચાર ઉમેદવારો બદલ્યા છે. કોંગ્રેસે બડનગર, જાવરા, સુમાવલી ​​અને પીપરીયામાં પોતાના ઉમેદવારો બદલ્યા છે.

સુમાવલીમાં કુલદીપ શિકારવારની જગ્યાએ અજબ સિંહ કુશવાહાને મેદાનમાં ઉતારવામાં આવ્યા છે. અગાઉ પિપરિયા (SC) બેઠક માટે ગુરુ ચરણ ખેરને ઉમેદવાર બનાવવામાં આવ્યા હતા, પરંતુ હવે તેમના સ્થાને વીરેન્દ્ર બેલવંશીને ઉમેદવાર જાહેર કરવામાં આવ્યા છે. બડનગરમાં રાજેન્દ્રસિંહ સોલંકીના સ્થાને મુરલી મોરવાલ અને જાવરામાં હમ્મત શ્રીમલની જગ્યાએ વિરેન્દ્રસિંહ સોલંકીને ઉમેદવાર જાહેર કરવામાં આવ્યા છે. કોંગ્રેસે ચાર બેઠકો પર ઉમેદવારો બદલ્યા છે.

બીજી યાદીમાં કોંગ્રેસે ત્રણ ઉમેદવારો બદલ્યા હતા. દતિયામાં અવધેશ નાયકની ટિકિટ બદલીને રાજેન્દ્ર ભારતીને મેદાનમાં ઉતારવામાં આવ્યા હતા. અહીં ગૃહમંત્રી નરોત્તમ મિશ્રા ભાજપ તરફથી ઉમેદવાર છે. પિછોરમાં શૈલેન્દ્ર સિંહની ટિકિટ કાપ્યા બાદ ગોટેગાંવથી અરવિંદ સિંહ લોધી અને પૂર્વ વિધાનસભા અધ્યક્ષ એનપી પ્રજાપતિની ટિકિટ કાપીને અરવિંદ સિંહને ફરીથી ઉમેદવાર બનાવવામાં આવ્યા હતા. અહીં કોંગ્રેસે અગાઉ શેખર ચૌધરીને પોતાના ઉમેદવાર બનાવ્યા હતા.