હેર સ્પા એક પ્રકારની હેર ટ્રીટમેન્ટ છે. જેમાં શેમ્પૂ, હેર ક્રીમ અને હેર માસ્ક અને કન્ડિશનર લગાવીને તમારા વાળનું ડીપ મોઇશ્ચરાઇઝિંગ કરવામાં આવે છે. આ સમગ્ર પ્રક્રિયા સાથે વાળના છિદ્રો ખોલવાનું કામ થાય છે. હેર સ્પા તમારા વાળમાં જીવન લાવવાનું કામ કરે છે. તો ચાલો જાણીએ કે હેર સ્પા પછી આપણે કઈ બાબતોનું ધ્યાન રાખવું જોઈએ.
વારંવાર વાળ ન ધોવા
ધ્યાનમાં રાખો કે હેર સ્પા કરાવ્યા પછી, 3 દિવસ સુધી વાળ ધોવા નહીં. જો તમે હેર સ્પા કર્યા પછી તમારા વાળ ધોશો તો તમને આ ટ્રીટમેન્ટનો કોઈ ફાયદો નહીં થાય.
વાળ સ્ટાઇલિંગસ ટૂલ્સ
હેર સ્પા પછી હેર સ્ટાઇલ ટૂલ્સનો બિલકુલ ઉપયોગ કરશો નહીં. કારણ કે આ સાધનો તમારા વાળને ફરીથી નુકસાન પહોંચાડશે. તેથી થોડા સમય માટે વાળને ડ્રાય અને સ્ટ્રેટ કરવા માટે બ્લો ડ્રાયર અને સ્ટ્રેટનરનો ઉપયોગ કરશો નહીં. જો બહુ મજબૂરી હોય તો પહેલા વાળમાં એલોવેરા જેલ, સીરમ લગાવો પછી જ તેનો ઉપયોગ કરો.
તેલ અને પેક ન લગાવો
આ ટ્રીટમેન્ટ પછી હેર ઓઈલ, હેર પેક અને માસ્ક લગાવવાનું ટાળો. હેર સ્પા દરમિયાન વાળમાં તેલ લગાવવાથી વાળને ડીપ કન્ડિશન કરવામાં આવે છે. તેથી થોડા દિવસ આ વસ્તુઓથી દૂર રહો.
હેર સ્પા પછી કરો આ વસ્તુઓ
હેર સ્પા કર્યા પછી વાળને ધૂળ, માટી અને ગંદકીથી બચાવવા જરૂરી છે, નહીં તો તમારા વાળ પહેલા જેવા થઈ જશે. હેર સ્પા કર્યા પછી વાળને સ્કાર્ફથી ઢાંકીને રાખો. આ સાથે વાળને અલ્ટ્રાવાયોલેટ કિરણોથી બચાવવા પણ જરૂરી છે, જેથી વાળની ચમક જળવાઈ રહે.
શેમ્પૂનો કરો ઉપયોગ
વાળ ધોવા માટે વાળમાં શેમ્પૂને ડાયલ્યુટ કરીને લગાવો. વાળમાં સીધા શેમ્પૂનો ઉપયોગ કરવાથી વાળ ડ્રાય અને ડેમેજ થઈ શકે છે. તો શેમ્પૂમાં પાણી ઉમેરો અને પછી જુઓ તમારા વાળ કેટલા સારા બનશે.
કન્ડિશનરનો ઉપયોગ કરવાનું ભૂલશો નહીં
તમારે તમારા વાળની સંભાળની દિનચર્યામાં કંડિશનરનો સમાવેશ કરવો જોઈએ. તેના ઉપયોગથી તમારા વાળ મુલાયમ અને ચમકદાર પણ રહેશે. ખાસ કરીને હેર સ્પા પછી વાળમાં કન્ડિશનર લગાવવું ખૂબ જ જરૂરી છે. આમ કરવાથી સ્પાની અસર લાંબા સમય સુધી જોવા મળશે.