- ટીએમસી છોડીને ભાજપમાં જોડાયા રાજીવ બેનર્જી
- રાજીવ બેનર્જીને મળી ‘ઝેડ’ કેટેગરીની સુરક્ષા
- ગૃહ મંત્રાલય દ્વારા ‘ઝેડ’ કેટેગરીની અપાઈ સુરક્ષા
- દેશભરની મુસાફરી દરમિયાન અપાઈ Y પ્લસ કેટેગરીની સુરક્ષા
કોલકત્તા: પશ્ચિમ બંગાળમાં એપ્રિલ-મેમાં વિધાનસભાની ચૂંટણી યોજાવાની છે. તે જ સમયે શાસક તૃણમૂલ કોંગ્રેસ છોડીને ભાજપમાં જોડાવાની પ્રક્રિયા યથાવત છે. આ વચ્ચે પૂર્વ વનમંત્રી રાજીવ બેનર્જી, જેણે ટીએમસી છોડી હતી અને ગયા અઠવાડિયે ભાજપમાં જોડાયા હતા. તેમને ગૃહ મંત્રાલય દ્વારા ‘ઝેડ’ કેટેગરીની સુરક્ષા આપવામાં આવી છે. દેશભરની મુસાફરી દરમિયાન તેમને ‘વાય પ્લસ’ કેટેગરીની સુરક્ષા પૂરી પાડવામાં આવી છે.
ગયા અઠવાડિયે શુક્રવારે ટીએમસી છોડ્યા બાદ બેનર્જી શનિવારે અન્ય ચાર ટીએમસી નેતાઓ સાથે ભાજપમાં જોડાયા હતા. ડોમજુરના ધારાસભ્ય રાજીવ બેનર્જી છેલ્લા કેટલાક અઠવાડિયાથી ટીએમસી નેતાઓના એક વિભાગ સામે ફરિયાદ કરી રહ્યા હતા. જેથી તેઓ હાલમાં જ મમતા બેનર્જીની છાવણી છોડીને ભાજપમાં જોડાયા છે
ગયા વર્ષે ડિસેમ્બરમાં પશ્ચિમ બંગાળ પ્રવાસ દરમિયાન ભાજપ અધ્યક્ષ જેપી નડ્ડા અને બંગાળના પ્રભારી કૈલાસ વિજયવર્ગીયના કાફલા પર હુમલો કરવામાં આવ્યો હતો. આ હુમલા બાદ ભાજપના નેતા કૈલાસ વિજયવર્ગીયને ઝેડ કેટેગરીની સુરક્ષા અને બુલેટપ્રૂફ કાર આપવામાં આવી હતી. તો બીજી તરફ સુવેન્દુ અધિકારીઓને ઝેડ કેટેગરીની સુરક્ષા પણ આપવામાં આવી છે.
-દેવાંશી