- દરેક ઘરના રસોડામાં લવિંગનો ઉપયોગ
- લવિંગની ચા પીવાના જબરદસ્ત ફાયદા
- શરદી સહીતની તમામ સમસ્યાઓથી આપે છે રાહત
લવિંગ એક એવો મસાલો છે જે દરેક ઘરના રસોડામાં તમને સરળતાથી મળી રહેશે. તેનો ઉપયોગ તમામ શાકભાજી, દાળ,પુલાવ વગેરે બનાવવા માટે થાય છે.લવિંગમાં તમામ ઔષધીય તત્વો મળી આવે છે. તે એન્ટી-ઓક્સિડેંટ, એન્ટિ-વાયરલ, એન્ટિ-બેક્ટેરિયલ, એન્ટિ-ફંગલ ગુણોથી ભરપૂર છે.
જો તમે શિયાળાની ઋતુમાં નિયમિતપણે લવિંગની ચા પીવાની આદત બનાવો છો, તો તમે શરદી-ખાંસી સહિતની તમામ સમસ્યાઓથી સરળતાથી બચી શકો છો.પરંતુ તમારે લવિંગની ચા બનાવવા માટે દૂધનો ઉપયોગ કરવાની જરૂર નથી.અહીં જાણો લવિંગની ચા બનાવવાના ફાયદા વિશે અને બનાવવાની રીત
લવિંગની ચાના ફાયદા
લવિંગની તાસીર ગરમ હોય છે. આ કારણે તે શિયાળામાં શરીરને ગરમ રાખવાનું કામ કરે છે અને ગળામાં દુખાવો, બળતરા, ઉધરસ, શરદી વગેરેની સમસ્યાઓમાં રાહત આપે છે.લવિંગમાં એન્ટીઓક્સિડેંટ હોય છે જે શરીરની રોગપ્રતિકારક શક્તિને મજબૂત બનાવે છે.જો તમે વજન ઓછું કરવા માંગો છો,તો લવિંગની ચા તમારા માટે ખૂબ જ ઉપયોગી સાબિત થઈ શકે છે.
લવિંગ તમારા પાચનતંત્રને સુધારે છે અને તમારા શરીરના ચયાપચયને સુધારે છે. આના કારણે શરીરમાં ઉર્જાનો સંચાર થાય છે અને તમે ફૂર્તીલા રહેશો.જો તમને તમારા દાંતમાં દુખાવો છે, પેઢામાં સોજો છે, તો તમારે લવિંગની ચા પીવી જોઈએ.તેનાથી આ સમસ્યાઓમાં રાહત મળે છે.તે મોઢાના બેક્ટેરિયાને પણ મારી નાખે છે.લવિંગની ચા તમારા શરીરને ડિટોક્સ કરે છે. ત્વચા સંબંધિત તમામ સમસ્યાઓને ઠીક કરે છે અને ફંગલ ઇન્ફેક્શનને અટકાવે છે.
લવિંગની ચા બનાવવાની રીત
લવિંગની ચા બનાવવા માટે દોઢ કપ પાણીમાં બે લવિંગને સારી રીતે પીસી લો. તેને ઉકળવા દો અને એક કપ રહેવા દો.આ પછી, ગેસ બંધ કરો અને ચાને પ્લેટથી એક મિનિટ માટે ઢાંકી દો. આ પછી ચાને ગાળીને તેમાં એક ચમચી મધ મિક્સ કરો. ત્યાર બાદ ચા પી લો. આ ચા પીવાનો શ્રેષ્ઠ સમય સવારનો છે. પરંતુ તેને વધુ ન પીવો કારણ કે લવિંગ તેની ગરમ અસરને કારણે નુકસાન પણ કરી શકે છે. તે શરૂ કરતા પહેલા તમે આયુર્વેદિક નિષ્ણાતની સલાહ લો તે વધુ સારું છે.