લખનઉ:ઉત્તર પ્રદેશના વારાણસીની જ્ઞાનવાપી મસ્જિદમાં મળેલા કથિત શિવલિંગની કાર્બન ડેટિંગ પર સુનાવણી બાદ જિલ્લા ન્યાયાધીશ એકે વિશ્વેશની કોર્ટે નિર્ણય ટાળી દીધો હતો. કોર્ટે આ કેસમાં આગામી તારીખ 11 ઓક્ટોબર આપી છે.આ મામલામાં કાર્બન ડેટિંગ પર દાવો દાખલ કરનાર હિન્દુ પક્ષની પાંચ મહિલાઓની ટીમને બે કેમ્પમાં વહેંચવામાં આવી હતી.રાખી સિંહે કાર્બન ડેટિંગનો વિરોધ કર્યો હતો, જ્યારે અન્ય ચાર અરજદારો તેની તરફેણમાં હતા.રાખી સિંહના વકીલનું કહેવું છે કે,અમે શિવલિંગની કાર્બન ડેટિંગના વિરોધમાં છીએ.બાકીના સંકુલના કાર્બન ડેટિંગ માટે અમારો સંપૂર્ણ સહકાર રહેશે.
તે જ સમયે એડવોકેટ હરિશંકર જૈને કહ્યું કે,અમને શિવલિંગને નુકસાન પહોંચાડ્યા વિના તપાસમાં કોઈ વાંધો નથી.આજે સુનાવણી દરમિયાન 64 લોકોને કોર્ટમાં હાજર રહેવાની મંજૂરી આપવામાં આવી હતી.
તેમણે કહ્યું કે,અમે શિવલિંગની કાર્બન ડેટિંગ નહીં થવા દઈએ.અમને પૂરો વિશ્વાસ છે કે,ચુકાદો અમારી તરફેણમાં આવશે.બીજી તરફ હિન્દુ પક્ષ કહી રહ્યું છે કે,કોર્ટનો નિર્ણય અમારી તરફેણમાં આવશે.રાખી સિંહ વતી જીતેન્દ્ર સિંહ બિસેન કહે છે કે, આરાધ્ય ભગવાન શિવ છે, જેને શંકા છે તેઓ કાર્બન ડેટિંગની માંગ કરી રહ્યા છે. હાલમાં કોર્ટે નિર્ણય 11 ઓક્ટોબર સુધી મુલતવી રાખ્યો છે.