અમદાવાદઃ હાલ દેશમાં 60 વર્ષથી વધુની ઉંમરના લોકો તથા વિવિધ બીમારીથી પીડિતા 45 વર્ષથી વધુની ઉંમરના લોકોને કોરોનાની રસી આપવામાં આવી રહી છે. તા. 1 માર્ચના રોજ વડાપ્રધાન નરેન્દ્ર મોદીએ કોરોનાની રસીનો પ્રથમ ડોઝ લઈને રસીકરણનો પ્રારંભ કરાવ્યો હતો. દરમિયાન આજે તેમના માતા હીરાબા મોદીએ પણ કોરોના રસીનો પ્રથમ ડોઝ લીધો હોવાનું જાણવા મળે છે.
Happy to share that my mother has taken the first dose of the COVID-19 vaccine today. I urge everyone to help and motivate people around you who are eligible to take the vaccine.
— Narendra Modi (@narendramodi) March 11, 2021
વડા પ્રધાન મોદીએ ટ્વિટ કરીને માહિતી આપી હતી કે, મને ખુશી થાય છે કે મારી માતાને આજે કોરોના રસીનો પ્રથમ ડોઝ મુકાવ્યો છે, હું દરેકને વિનંતી કરું છું કે જેમને રસી લેવાની મંજૂરી આપવામાં આવી છે તેઓને પ્રોત્સાહન કરો અને રસી લેવામાં મદદ કરો.
ગુજરાતમાં 2500 જેટલી સરકારી હોસ્પિટલોમાં કોરોનાની રસી આપવામાં આવી રહી છે. મુખ્યમંત્રી વિજય રૂપાણીના પત્ની અંજલી રૂપાણી, નાયબ મુખ્યમંત્રી નીતિન પટેલ સહિતના રાજકીય આગેવાનોએ કોરોનાની રસીનો પ્રથમ ડોઝ લીધો છે. રાજ્યમાં અત્યાર સુધીમાં 11 લાખથી વધારે કોરોના વોરિયર્સ, ફ્રન્ટલાઈન વોરિયર્સ અને નાગરિકોએ કોરોનાની રસીની રસી લીધી છે.