- આઇસલેન્ડ વિશ્વનો સૌથી શાંત દેશ
- ગ્લોબલ પીસ ઈન્ડેક્સએ તૈયાર કરી આ વિગતો
- જાણો સૌથી અશાંત દેશો વિશે
આઇસલેન્ડ વિશ્વનો સૌથી શાંત દેશ છે.તે પછી ન્યુઝીલેન્ડ અને આયર્લેન્ડનો નંબર આવે છે. હાલમાં જ બહાર પાડવામાં આવેલ ગ્લોબલ પીસ ઈન્ડેક્સ 2022માં આ દેશોને વિશ્વના સૌથી શાંતિપૂર્ણ દેશો તરીકે વર્ણવવામાં આવ્યા છે.આ ઈન્ડેક્સમાં વિશ્વના 163 દેશોનો સમાવેશ કરવામાં આવ્યો છે.ઈન્ડેક્સ અનુસાર ભારતમાં સ્થિતિ સુધરી છે.ગયા વર્ષે ભારત આ યાદીમાં 138માં સ્થાને હતું, આ વર્ષે તે 3 સ્થાન ઉપર ચઢીને 135માં સ્થાન પર પહોંચી ગયું છે.
ગ્લોબલ પીસ ઇન્ડેક્સને તૈયાર કરવાનું કામ ઇન્સ્ટીટયુટ ફોર ઇકોનોમિક્સ એન્ડ પીસ કરે છે. આ ઇન્ડેક્સ વિશ્વભરના આંતરરાષ્ટ્રીય શાંતિ નિષ્ણાતોની પેનલ દ્વારા તૈયાર કરવામાં આવ્યો છે. આ ઈન્ડેક્સ ઈકોનોમિક ઈન્ટેલિજન્સ યુનિટ તરફથી જાહેર કરવામાં આવેલા ડેટાનો ઉપયોગ કરીને તૈયાર કરવામાં આવ્યો છે.ડેટાની મદદથી એ જાણી શકાય છે કે,કયા દેશમાં અશાંતિની ઘટનાઓ બની છે.તેના આધારે જો કોઈ દેશ શાંત હોય તો તે દેશનો સમાવેશ સૌથી નીચેના અશાંત દેશોમાં થાય છે.
એવા ઘણા પરિબળો છે જે નક્કી કરે છે કે દેશ શાંતિપૂર્ણ છે કે અશાંત.ઉદાહરણ તરીકે, દેશમાં ગૃહયુદ્ધની સ્થિતિ, પડોશી દેશો સાથેના સંબંધો, આતંકવાદની અસર, સમાજમાં વધતો જતો ગુનાખોરીનો દર, જેલમાં જતા લોકોની સંખ્યા, જીડીપીની સરખામણીમાં સેના પર થતો ખર્ચ અને સરળ ઉપલબ્ધતા જેવા 23 શસ્ત્રો નક્કી કરે છે કે દેશમાં કેટલી શાંતિ છે.
ગ્લોબલ પીસ ઈન્ડેક્સમાં પ્રથમ ક્રમે આવેલ દેશનો અર્થ એવો થાય છે કે તે સૌથી વધુ શાંતિપૂર્ણ છે, જ્યારે ઈન્ડેક્સના તળિયે રહેલો દેશ સૂચવે છે કે તે સમાન રીતે અવ્યવસ્થિત દેશ છે.
દુનિયાના સૌથી અશાંત દેશોમાં સૌથી પહેલા ક્રમે અફઘાનિસ્તાન છે.ત્યારબાદ યમન, સીરિયા, રશિયા, દક્ષિણ સુડાન, ડેમોક્રેટિક પબ્લિક ઓફ ધ કોંગો સામેલ છે.