- નૌસેનાની તાકાત થશે બમણી
- સબમરિન ‘વાગશીર’ 20 એપ્રિલના રોજ થશે લોંચ
દેશની ત્રણેય સેનાઓને મજબૂત બનાવા કેન્દ્રની સરકાર અથાગ પ્રયત્નો કરી રહી છે આજ શ્રેણીમાં નૌસેનાની તાકાતમાં ઓર વધારો થી રહ્યો છે ત્યારે હવે INS વાગશીર સબમરીન ટૂંક સમયમાં દરિયામાં દુશ્મનોને માત માટે નૌસેનાના બેડામાં જોડાશે.
વિતેલા દિવસને શુક્રવારે માહિતી આપવામાં આવી હતી કે P75 સ્કોર્પિન પ્રોજેક્ટ હેઠળની છઠ્ઠી સબમરીન વાગશીર 20 એપ્રિલે મઝાગોન ડોક શિપબિલ્ડર્સ લિમિટેડ ખાતે લોન્ચ કરવામાં આવશે. નૌકાદળના બેડામાં તેનો સમાવેશ થતા નેવીની તાકાતમાં નોંધપાત્ર વધારો થશે. તેમાં 40 ટકા સાધનો ભારત નિર્મિત છે. પ્રોજેક્ટ 75ની પાંચમી સબમરીન વાગીરનું સમુદ્રી પરીક્ષણ ફેબ્રુઆરી 2022માં શરૂ થયું હતું.
વાગશીર સબમરીન 20 એપ્રિલે લોન્ચ થયા બાદ 12 મહિનાના દરિયાઈ પરીક્ષણમાંથી પસાર થશે. જે બાદ તેને નેવીમાં સામેલ કરવામાં આવશે.
વાગશીર સબમરીનની આંતરિક ટેકનોલોજી ફ્રેન્ચ અને સ્પેનિશ કંપની દ્વારા આપવામાં આવી છે જ્યારે બાંધકામ ભારતીય શૈલીમાં કરવામાં આવ્યું છે.
નૌકાદળની લડાયક ક્ષમતાને વધારવા માટે પ્રોજેક્ટ 75 હેઠળની આ છેલ્લી સબમરીન છે. અગાઉ INS કલાવરી, INS ખંડેરી, INS કરંજ અને INS વેલા આ પ્રોજેક્ટ હેઠળ નૌકાદળમાં જોડાઈ ચૂક્યા છે જ્યારે INS વાગીરનું દરિયાઈ પરીક્ષણ ચાલી રહ્યું છે.
જાણો વાગશીરની ખાસિયતો
- આ સ્કોર્પિન વાહન કલાવરી વર્ગની ડીઝલ-ઈલેક્ટ્રિક સબમરીન છે.
- તે અત્યાધુનિક નેવિગેશન, ટ્રેકિંગ સિસ્ટમથી સજ્જ છે
- તેમાં વિવિધ પ્રકારના શસ્ત્રોનો પણ સમાવેશ થાય છે
- ઓછા અવાજ સાથે દુશ્મનને સરળતાથી ગેરમાર્ગે દોરવાની ક્ષમતા સાથે 18 ટોર્પિડો રાખવાની ક્ષમતા ધરાવે છે.
- આ સબમરીનમાંથી દુશ્મન પર એક સાથે છ ટોર્પિડો ફાયર કરી શકાય છે
- એન્ટિ-શિપ મિસાઇલ સબમરીનની વિશેષતા છે, તે 50 દિવસ સુધી પાણીમાં રહી શકે છે