નીરજ ચોપડાએ રચ્યો ઈતિહાસ,વર્લ્ડ ચેમ્પિયનશિપમાં જીત્યો સિલ્વર મેડલ  

• નીરજ ચોપડાએ રચ્યો ઈતિહાસ
• વર્લ્ડ ચેમ્પિયનશિપમાં જીત્યો સિલ્વર મેડલ
• 88.13 મીટર દૂર ફેંક્યો થ્રો  

મુંબઈ:ઓલિમ્પિક ગોલ્ડન બોય જેવલિન થ્રો પ્લેયર નીરજ ચોપડાએ વર્લ્ડ એથ્લેટિક્સ ચેમ્પિયનશિપમાં ઈતિહાસ રચ્યો છે.તેણે યુએસએના યુજીનમાં યોજાયેલી ચેમ્પિયનશિપની ફાઇનલમાં 88.13 મીટર દૂર બરછી ફેંકીને સિલ્વર મેડલ જીત્યો હતો.રોહિત યાદવ ફાઈનલમાં મેડલની રેસમાંથી બહાર થઈ ગયો હતો અને તે 10માં નંબર પર રહ્યો હતો.

વિશ્વના નંબર-1 જેવલિન થ્રોઅર એન્ડરસને ક્વોલિફાઇંગ રાઉન્ડમાં 89.91 મીટરના અંતરથી બરછી ફેંકીને ફાઇનલમાં પ્રવેશ મેળવ્યો હતો.તે ટોચ પર હતો. તે માત્ર 90 મીટરની નજીક છે. જ્યારે બીજા ક્રમાંકિત નીરજે ક્વોલિફાઈંગ રાઉન્ડમાં 88.39 મીટર દૂર બરછી ફેંકી હતી. આવી સ્થિતિમાં વર્લ્ડ નંબર-4 નીરજને આ ફાઇનલમાં એન્ડરસનને હરાવવા માટે 90 મીટરના અંતરે બરછી ફેંકવી પડી હતી, જે થઈ શક્યું નહીં.

એન્ડરસન પીટર્સ આ વર્ષે શાનદાર ફોર્મમાં છે.નીરજ અને એન્ડરસને તાજેતરમાં યોજાયેલી સ્ટોકહોમ ડાયમંડ લીગમાં ભાગ લીધો હતો.ત્યારબાદ એન્ડરસને 90.31 મીટરનો થ્રો કરીને ગોલ્ડ મેડલ પોતાના નામે કર્યો હતો.જ્યારે નીરજ ચોપડાએ 89.94 મીટર થ્રો કરીને રાષ્ટ્રીય રેકોર્ડ બનાવ્યો અને સિલ્વરથી સંતોષ માનવો પડ્યો.

તે જ વર્ષે દોહા ડાયમંડ લીગમાં એન્ડરસન પીટર્સે કમાલ જ કરી દીધી.અહીં તેણે ભાલાને 93.07 મીટર દૂર સુધી ફેંક્યો.એન્ડરસને આ વખતે વર્લ્ડ એથ્લેટિક્સ ચેમ્પિયનશિપમાં ડિફેન્ડિંગ ચેમ્પિયન તરીકે પ્રવેશ કર્યો હતો.તેણે છેલ્લી વખત (2019) 86.89 મીટર દૂર થ્રો કરીને ગોલ્ડ જીત્યો હતો.

નીરજ ચોપરાએ આ સિઝનમાં શાનદાર પ્રદર્શન કર્યું છે, જે અત્યાર સુધી યથાવત છે. આ સ્ટાર ખેલાડીએ બે વખત પોતાના વ્યક્તિગત સર્વશ્રેષ્ઠમાં સુધારો કર્યો છે.તેણે 14 જૂને ફિનલેન્ડમાં પાવો નુર્મી ગેમ્સમાં 89.30m અને 30 જૂનના રોજ પ્રતિષ્ઠિત સ્ટોકહોમ ડાયમંડ લીગ ઈવેન્ટમાં 89.94m થ્રો કર્યો, તે માત્ર છ સેન્ટિમીટરથી 90mના અંતરથી ચૂકી ગયો. નીરજ તાજેતરમાં ડાયમંડ લીગમાં પીટર્સ પાછળ બીજા સ્થાને રહ્યો હતો.