ટી20 ક્રિકેટમાં સૌથી વધુ વિકેટ લેવાનો રેકોર્ડ રાશિદ ખાનના નામે છે. તેણે 487 મેચોમાં કુલ 660 વિકેટ લીધી છે. આ અફઘાન ખેલાડી હાલમાં આઈપીએલમાં ગુજરાત ટાઇટન્સ તરફથી રમે છે. તે વિશ્વભરની ઘણી ટી20 લીગમાં પણ રમે છે.
વેસ્ટ ઇન્ડીઝના ફાસ્ટ બોલર ડ્વેન બ્રાવો ટી20 માં સર્વકાલીન વિકેટ લેવાની યાદીમાં બીજા ક્રમે છે. બ્રાવોએ 582 મેચોમાં 631 વિકેટ લીધી છે. તે IPL માં ચેન્નાઈ સુપર કિંગ્સ સહિત વિશ્વભરની ઘણી મોટી ટીમો માટે રમી ચૂક્યો છે. તેણે પોતાની કારકિર્દીમાં ચાર વખત પાંચ વિકેટ લીધી છે.
વેસ્ટ ઇન્ડીઝના સ્પિનર સુનીલ નારાયણ આ યાદીમાં ત્રીજા ક્રમે છે. નારાયણે 557 મેચોમાં 590 વિકેટ લીધી છે. તે હાલમાં IPLમાં KKR તરફથી રમે છે. તે પાકિસ્તાન સુપર લીગ અને બિગ બેશ લીગ સહિત વિશ્વભરની ઘણી લીગમાં પણ રમે છે.
દક્ષિણ આફ્રિકાના સ્પિનર ઇમરાન તાહિર ટી20માં સૌથી વધુ વિકેટ લેનારા બોલરોમાં ચોથા ક્રમે છે. 46 વર્ષીય ખેલાડીએ પોતાની કારકિર્દીમાં 436 મેચ રમી છે, જેમાં 554 વિકેટ લીધી છે.
રવિવારે, શાકિબ અલ હસને સીપીએલમાં ત્રણ વિકેટ લઈને 500 ટી20 વિકેટ પૂર્ણ કરી. તે 500 ટી20 વિકેટ મેળવનાર પાંચમો બોલર બન્યો. તેણે પોતાની કારકિર્દીમાં 457 મેચ રમી છે, જેમાં 502 વિકેટ લીધી છે. હસને પાંચ વખત ટી20 આંતરરાષ્ટ્રીય મેચમાં પાંચ પાંચ વિકેટ ઝડપી છે.
ટી20માં 500 વિકેટ લેનાર કોઈ ભારતીય બોલર નથી. ભારત માટે સૌથી વધુ ટી20 વિકેટ લેવાનો રેકોર્ડ યુઝવેન્દ્ર ચહલના નામે છે, તેમણે 326 મેચોમાં 380 વિકેટ લીધી છે.