રોહિત-વિરાટ નહીં,વર્ષ 2023માં આ ખેલાડીને ગૂગલ પર સૌથી વધુ સર્ચ કરવામાં આવ્યો

વર્ષ 2023માં ક્રિકેટની દુનિયામાં ઘણી મોટી ટૂર્નામેન્ટ રમાઈ હતી. તે જ સમયે, ઘણા યુવા ખેલાડીઓએ ચાહકોના દિલ પર પોતાની છાપ છોડી. વર્ષ 2023 પૂરું થવામાં છે.આ દરમિયાન દર વર્ષની જેમ ગૂગલે આ વર્ષનો ગૂગલ ટ્રેન્ડ એટલે કે 2023માં સૌથી વધુ સર્ચ થયેલી વસ્તુઓની યાદી જાહેર કરી છે. આશ્ચર્યની વાત એ છે કે આ વર્ષે ભારતમાં રોહિત શર્મા અને વિરાટ કોહલીની જગ્યાએ એક યુવા ખેલાડી સૌથી વધુ સર્ચ કરવામાં આવ્યો છે.

ગૂગલના જણાવ્યા અનુસાર, આ વર્ષે ભારતમાં રોહિત શર્મા અને વિરાટ કોહલી કરતાં શુભમન ગિલને વધુ સર્ચ કરવામાં આવ્યો હતો. તે આ વર્ષે ગૂગલ પર ભારતમાં સૌથી વધુ સર્ચ કરવામાં આવેલ ખેલાડી છે. આ યાદીમાં ન્યુઝીલેન્ડના રચિન રવિન્દ્ર બીજા સ્થાને છે. તે જ સમયે, વર્લ્ડ કપ 2023માં ધૂમ મચાવનાર મોહમ્મદ શમી આ યાદીમાં ત્રીજા નંબર પર છે.

2023માં ગૂગલ પર સૌથી વધુ સર્ચ કરાયેલા ખેલાડીઓ

1- શુભમન ગિલ
2- રચિન રવિન્દ્ર
3- મોહમ્મદ શમી
4- ગ્લેન મેક્સવેલ
5- ડેવિડ બેકહામ

વર્લ્ડ કપથી આગળ નીકળ્યું આઈપીએલ 

ઈન્ડિયન પ્રીમિયર લીગ 2023માં ગૂગલ પર સૌથી વધુ સર્ચ કરાયેલી સ્પોર્ટ્સ ઈવેન્ટ્સમાં સૌથી આગળ છે. આ વર્ષે ODI વર્લ્ડ કપ પણ રમાયો હતો, જે દર 4 વર્ષે એકવાર થાય છે. આટલી મોટી ઘટના બાદ પણ ક્રિકેટ ચાહકોએ આ વર્ષે IPLને સૌથી વધુ સર્ચ કર્યું. તે જ સમયે, મહિલા પ્રીમિયર લીગ પણ આ યાદીમાં સામેલ છે.

2023માં Google પર સૌથી વધુ સર્ચ થયેલી સ્પોર્ટ્સ ઇવેન્ટ

ઈન્ડિયન પ્રીમિયર લીગ
ક્રિકેટ વર્લ્ડ કપ
એશિયા કપ
મહિલા પ્રીમિયર લીગ
એશિયન ગેમ્સ

2023માં ગૂગલ પર સૌથી વધુ સર્ચ કરાયેલી ક્રિકેટ મેચ

ભારત vs ઓસ્ટ્રેલિયા
ભારત vs ન્યુઝીલેન્ડ
ભારત vs શ્રીલંકા
ભારત vs ઈંગ્લેન્ડ
ભારત vs આયર્લેન્ડ