દિલ્હી – વિદેશના ઘણા દેશો ભારતીય પ્રવાસીઓને આકર્ષવા માટે ફ્રી વિઝા આપી રહ્યા છે આ અગાઉ થાઈલેન્ડ, શ્રીલંકા અને મલેશિયા એ ભારતના લોકો માટે આ સુવિધા વિકસાવી છે ત્યાર બાદ હવે અન્ય એક દેશે ભારતીય નાગરિકોને વિઝા ફ્રી એન્ટ્રી આપવાનો નિર્ણય કર્યો છે.
પ્રાપ્ત જાણકારી પ્રમાણે ઈન્ડોનેશિયાના પર્યટન મંત્રાલયના જણાવ્યા અનુસાર ભારતીય નાગરિકો માટે વિઝા ફ્રી એન્ટ્રીના આ નિર્ણયને એક મહિનાની અંદર મંજૂરી મળી શકે છે. જો કોઈ દેશ તે દેશના નાગરિકોને વિઝા ફ્રી એન્ટ્રીની મંજૂરી આપે છે, તો તે દેશના નાગરિકોને તે દેશમાં જવા માટે વિઝા માટે અરજી કરવાની જરૂર નથી. તે દેશમાં જવા માટે માત્ર પાસપોર્ટ અથવા અન્ય કોઈ માન્ય આઈડી પૂરતું છે.
ઈન્ડોનેશિયાના પર્યટન મંત્રી સાન્ડિયાગા યુનોએ કહ્યું કે તેમને સરકાર તરફથી કેટલાક દેશોના પ્રવાસીઓને વિઝા ફ્રી એન્ટ્રી આપવા અંગે વિચારણા કરવા માટે સૂચનાઓ મળી છેવધુ વિગત અનુસાર ઇન્ડોનેશિયાના પર્યટન મંત્રી સાંડિયાગા ઉનોએ ગુરુવારે કહ્યું કે તેમને સરકાર તરફથી કેટલાક દેશોના પ્રવાસીઓ માટે વિઝા-મુક્ત પ્રવેશ આપવા પર વિચાર કરવા માટે સૂચનાઓ મળી છે. ઈન્ડોનેશિયા તેના પ્રવાસન અને અર્થતંત્રને વેગ આપવા માટે યુએસ, ચીન, ઓસ્ટ્રેલિયા, ભારત, દક્ષિણ કોરિયા, જર્મની, બ્રિટન અને ફ્રાન્સ સહિત 20 દેશોના નાગરિકોને વિઝા મુક્ત પ્રવેશ આપવાનું વિચારી રહ્યું છે
આ સાથે જ ઇન્ડોનેશિયાના સત્તાવાર આંકડાઓ અનુસાર, કોવિડ રોગચાળા પહેલા, 2019 માં 16 મિલિયનથી વધુ વિદેશી પ્રવાસીઓ ઇન્ડોનેશિયા આવ્યા હતા, જ્યારે આ વર્ષે જાન્યુઆરીથી ઓક્ટોબર સુધીમાં લગભગ 10 મિલિયન વિદેશી પ્રવાસીઓ ઇન્ડોનેશિયા આવ્યા હતા. માહિતી અનુસાર, ગયા વર્ષના સમાન સમયગાળાની સરખામણીમાં પ્રવાસીઓની સંખ્યામાં લગભગ 124 ટકાનો વધારો થયો છે