અમદાવાદઃ સૂક્ષ્મ, લઘુ અને મધ્યમ ઉદ્યોગ મંત્રાલયે રાષ્ટ્રીય SC-ST હબ (NSSH) યોજના અને મંત્રાલયની અન્ય યોજનાઓ વિશે જાગૃતિ ફેલાવવા માટે અમદાવાદમાં રાષ્ટ્રીય SC-ST હબ કોન્ક્લેવનું આયોજન કર્યું હતું. આ કોન્ક્લેવમાં સંસદના સભ્ય અને અનુસૂચિત જાતિ અને અનુસૂચિત જનજાતિના કલ્યાણ અંગેની સંસદીય સ્થાયી સમિતિના અધ્યક્ષ, મુખ્ય અતિથિ તરીકે ડૉ. કિરીટ સોલંકી અને અન્ય વરિષ્ઠ મહાનુભાવોએ હાજરી આપી હતી. આ કાર્યક્રમમાં 300થી વધુ SC-ST સાહસિકોએ ભાગ લીધો હતો.
આ પ્રસંગે ડો. સોલંકીએ જણાવ્યું હતું કે ગુજરાત રાજ્યના વધુ એસસી-એસટી સાહસિકોએ NSSH યોજના હેઠળ ઉપલબ્ધ લાભો લેવો જોઈએ. તેમણે પ્રેક્ષકોમાં ઉપસ્થિત બેંકરોને અનુરોધ કર્યો કે તેઓ SC-ST ઉદ્યોગસાહસિકોને ધિરાણ સહાયને પ્રાથમિકતા આપે જેથી તેઓને તેમની વ્યવસાય ક્ષમતા વધારવામાં કોઈ મુશ્કેલીનો સામનો ન કરવો પડે. તેમણે નોકરી શોધનારાઓને બદલે નોકરી પ્રદાતા બનવાના પીએમ મોદીના વિઝન પર ભાર મૂક્યો અને ભારતીય અર્થવ્યવસ્થાને મજબૂત કરવા માટે SC-ST ઉદ્યોગસાહસિકોની ભાગીદારી પર ભાર મૂક્યો.
આ કાર્યક્રમમાં નેશનલ થર્મલ પાવર કોર્પોરેશન લિ., ફૂડ કોર્પોરેશન ઓફ ઈન્ડિયા, ઓઈલ એન્ડ નેચરલ ગેસ કોર્પોરેશન અને ઈન્ડિયન ઓઈલ કોર્પોરેશન લિમિટેડ જેવા CPSEની સહભાગિતા જોવા મળી હતી, જેમણે તેમની વિક્રેતા એમ્પેનલમેન્ટ પ્રક્રિયા અને પ્રાપ્ત કરવાના ઉત્પાદનો/સેવાઓની યાદી પર પ્રસ્તુતિઓ આપી હતી. કોન્ક્લેવમાં સ્ટેટ બેંક ઓફ ઈન્ડિયા અને યસ બેંક જેવી નાણાકીય સંસ્થાઓએ પણ હાજરી આપી હતી. તેઓએ MSME ક્ષેત્રને લગતી વિવિધ ધિરાણ યોજનાઓ અંગે વિગતો આપી હતી. અન્ય સરકારી સંસ્થાઓ કે જેમણે કાર્યક્રમમાં ભાગ લીધો હતો અને MSME ને મદદ કરવા માટે તેમની વિવિધ યોજનાઓ રજૂ કરી હતી
ભારતીય અર્થતંત્રની સર્વસમાવેશક વૃદ્ધિ માટે, MSME મંત્રાલયે રાષ્ટ્રીય અનુસૂચિત જાતિ અનુસૂચિત જનજાતિ હબ (NSSH) યોજના શરૂ કરી છે. તેનો હેતુ SC-ST વસ્તીમાં ક્ષમતા વૃદ્ધિ અને ઉદ્યોગસાહસિકતાની સંસ્કૃતિને પ્રોત્સાહન આપવાનો છે જેથી તેઓ જાહેર ખરીદીમાં તેમની ભાગીદારી વધારી શકે.
આપણી અર્થવ્યવસ્થામાં MSMEsના મહત્વને જોતાં, યુવાનોમાં ઉદ્યોગસાહસિકતાને પ્રોત્સાહન આપવા અને આત્મનિર્ભર ભારતની કલ્પનાને સાકાર કરવા માટે તેઓ ભારતીય અર્થતંત્રના વિકાસમાં અભિન્ન ભૂમિકા ભજવી શકે તેવું અનુકૂળ વાતાવરણ ઊભું કરવા માટે કેન્દ્રિત પ્રયાસો કરવામાં આવે તે આવશ્યક છે.
રાષ્ટ્રની આર્થિક સુખાકારી માટે MSME ક્ષેત્રનું પોષણ મહત્વનું છે. સરકાર MSME ને ટકાઉ વૃદ્ધિ માટે સશક્ત કરવા અને વૈશ્વિક મૂલ્ય શૃંખલામાં તેમને સુસંગત બનાવવા માટે સતત કામ કરી રહી છે. રાજ્ય સ્તરીય કોન્ક્લેવ SC-ST MSMEsને ભારત સરકારની વિવિધ યોજનાઓ વિશે માહિતગાર થતાં નવા વિચારોનો સમાવેશ કરીને તેમની ક્ષિતિજને વિસ્તારવામાં મદદ કરે છે.