- કાચા દૂધનો આ રીતે કરો ઉપયોગ
- સુંદરતા વધારવા માટે છે ઉપયોગી
- સ્ત્રીઓએ ખાસ જાણવી જોઈએ આ વાત
સ્ત્રીઓ પોતાની સુંદરતા માટે અનેક પ્રકારના નુસ્ખાઓ અને ઉપાયો કરતી હોય છે. બ્યુટી પાર્લરમાં પણ જતી હોય છે અને મોટી રકમનો ખર્ચ પણ કરતી હોય છે. આવામાં કેટલાક ઉપાય ઘરેલુ પણ છે જેનો ઉપયોગ કરવાથી ચહેરાની સુંદરતા થોડા દિવસમાં જ વધારી શકાય છે અને તે ખર્ચાળ પણ નથી.
જાણકારી અનુસાર ટોનર તરીકે કાચા દૂધનો ઉપયોગ કરો. આ માટે તમારે 1 કપ કાચું દૂધ અને 2 થી 3 કેસરની જરૂર પડશે. કેસરને કાચા દૂધમાં અડધો કલાક પલાળી રાખો. તેને સ્પ્રે બોટલમાં ભરી. તેને ચહેરા પર સ્પ્રે કરો. તે પછી તેને કોટન બોલથી સાફ કરો.
દૂધ સ્વાસ્થ્ય માટે જ નહીં પણ ત્વચા માટે પણ ખૂબ જ ફાયદાકારક છે. તે તમારા ચહેરાની સુંદરતા વધારવાનું કામ કરે છે. કાચા દૂધમાં ઘણા પોષક તત્વો હોય છે. તેમાં લેક્ટોઝ, પ્રોટીન, કેલ્શિયમ અને વિટામિન-એ, વિટામિન બી-12, વિટામિન ડી અને ઝિંક હોય છે.
કાચા દૂધનો ઉપયોગ ક્લીંઝર તરીકે પણ કરી શકો છો. તે તમારી ત્વચાને ચમકદાર બનાવવામાં મદદ કરે છે. આ ક્લીંઝર બનાવવા માટે તમારે 2 ચમચી કાચું દૂધ અને એક ચપટી હળદરની જરૂર પડશે. આ બંનેને સારી રીતે મિક્સ કરો. તેને કોટન બોલનો ઉપયોગ કરીને ત્વચા પર લગાવો. તે પછી ઠંડા પાણીથી ધોઈ લો.
ઉલ્લેખનીય છે કે આ લેખ માન્યતાને આધારે તૈયાર કરવામાં આવ્યો છે અને તેની કોઈ પુષ્ટિ કરવામાં આવતી નથી.