નવી દિલ્હીઃ રશિયા દ્વારા યુક્રેન પર હુમલા બાદ અમેરિકી રાષ્ટ્રપતિ જો બિડેને આ અંગે પોતાની પ્રતિક્રિયા આપી છે. તેમણે કહ્યું કે જે પણ દેશો રશિયન નેતા વ્લાદિમીર પુતિનના યુક્રેન પરના આક્રમણને સમર્થન આપે છે તે તેમના સંગઠનથી કલંકિત થશે. જો બિડેનના આ શબ્દો ખાસ કરીને પાકિસ્તાન માટે છે, પીએમ ઈમરાન ખાન પુતિને યુક્રેન પર હુમલો કર્યો ત્યાં સુધી મોસ્કોમાં હતા.
બિડેનને તેમના ભાષણ દરમિયાન પૂછવામાં આવ્યું કે શું ભારત તમારી સાથે ઉભું છે, તો તેમણે સ્પષ્ટ કહ્યું કે ભારત સાથે આ અંગે વાતચીત ચાલી રહી છે. યુક્રેન મુદ્દે ભારતે મધ્યમ માર્ગ અપનાવ્યો છે કારણ કે ભારતના અમેરિકા અને રશિયા બંને સાથે સારા સંબંધો છે. અમેરિકી રાષ્ટ્રપતિ જો બિડેને કહ્યું કે રશિયાના સૈન્ય ઓપરેશન બાદ યુક્રેન સંકટ પર અમેરિકા ભારત સાથે ચર્ચા કરશે.
એવું માનવામાં આવે છે કે યુક્રેન સંકટને લઈને ભારત અને અમેરિકાનું વલણ સમાન નથી. એટલે કે બંને એકસરખું વિચારતા નથી. જ્યાં એક તરફ ભારતની રશિયા સાથે જૂની મિત્રતા છે. બીજી તરફ, યુએસ સાથે તેની વ્યૂહાત્મક ભાગીદારી છેલ્લા દોઢ દાયકામાં અભૂતપૂર્વ ગતિએ વધી છે. આવી સ્થિતિમાં ભારતે મધ્યમ માર્ગ અપનાવવો પડશે.
યુએસ પ્રમુખ જો બિડેને તેમના રશિયન સમકક્ષ વ્લાદિમીર પુતિન પર “આક્રમણકારી” હોવાનો આરોપ મૂક્યો, કહ્યું કે રશિયન રાષ્ટ્રપતિએ યુક્રેન સામે યુદ્ધ પસંદ કર્યું. બિડેને રશિયા સામે નવા આર્થિક પ્રતિબંધોની જાહેરાત કરી છે. બિડેને કહ્યું, ‘પુતિન આક્રમણકારી છે. પુટિને યુદ્ધ પસંદ કર્યું. તેમણે રશિયા સામે આર્થિક પ્રતિબંધોની જાહેરાત કરી છે પરંતુ રશિયાના દળોની સામે યુદ્ધ માટે યુક્રેન માટે અમેરિકી દળોને મોકલવાનો ઈન્કાર કર્યો છે. તેમણે કહ્યું કે, દુનિયા રશિયાની સામે એક થઈ રહ્યાં છે.