- ઓસ્ટ્રેલિયામાંથી મળ્યો ખતરનાક કરોળિયો
- માણસને 15 મિનિટમાં મારી શકે છે
- નિષ્ણાતો પણ થયા આશ્ચર્યચકિત
દુનિયામાં એક થી એક ઝેરી જીવો વિશે તમે સાંભળ્યું જ હશે. તમે સાપ અને વીંછીના ઝેરની ખતરનાક અસર વિશે પણ સાંભળ્યું હશે. પરંતુ શું તમે જાણો છો, હવે એક એવો કરોળિયો મળી આવ્યો છે જે 15 મિનિટમાં માણસને મારી શકે છે. ઓસ્ટ્રેલિયામાં એક ખૂબ જ ખતરનાક વિશાળ ફનલ વેબ સ્પાઈડર મળી આવ્યું છે, જેને મેગા સ્પાઈડર કહેવામાં આવે છે. આ સ્પાઈડરને એક વ્યક્તિ ન્યૂ સાઉથ વેલ્સના ઓસ્ટ્રેલિયન રેપ્ટાઈલ પાર્કમાં દાન આપવા માટે લાવ્યા હતા.
પરંતુ જ્યારે નિષ્ણાતોએ જોયું તો તેઓ આશ્ચર્યચકિત થઈ ગયા. આ કરોળિયો 3 ઇંચ મોટો છે અને તેની ફેણ 0.8 ઇંચ લાંબી છે, જે માણસના નખને વીંધી શકે છે. આ સ્પાઈડરને મેગા સ્પાઈડર નામ આપવામાં આવ્યું છે અને કહેવામાં આવી રહ્યું છે કે જો આ કરોળિયો તેનું ઝેર માણસના શરીરમાં છોડી દે તો 15 મિનિટમાં તેનું મૃત્યુ નિશ્ચિત છે.
હાલમાં આ કરોળિયાનો ઉપયોગ ઝેર એકત્ર કરવા માટે કરવામાં આવી રહ્યો છે જેથી તેમાંથી દવા બનાવી શકાય અને અનેક લોકોના જીવ બચાવી શકાય.
બીજી તરફ, વૈજ્ઞાનિકોએ એક એવું ઉપકરણ બનાવ્યું છે, જેના દ્વારા ઘરમાં બેઠેલા પાલતુ તેમના માલિક સાથે વાત કરી શકશે. વૈજ્ઞાનિકોએ પ્રોટોટાઈપ ડોગફોન ઉપકરણ બનાવ્યું છે. તે એક એવું ઉપકરણ છે જે હલનચલન શોધી શકે છે અને કમ્પ્યુટર સાથે કનેક્ટ કરી શકે છે. આ ઉપકરણ બિલકુલ બોલ જેવું લાગે છે. આ ડિવાઈસ દ્વારા વીડિયો કોલ કરી શકાય છે. ગ્લાસગો યુનિવર્સિટીના ડૉ. ઈલીયેનાએ આલ્ટો યુનિવર્સિટીના તેમના સહકર્મી સાથે મળીને બનાવ્યું છે.