મુંબઈ:રિયાલિટી શો ‘બિગ બોસ 16’માં કોઈને કોઈ હંગામો જોવા મળે છે.આ શોમાં અબ્દુ રોજિકને દરેક જણ પસંદ કરે છે.તાજેતરમાં કલર્સ ટીવી દ્વારા એક પ્રોમો રિલીઝ કરવામાં આવ્યો છે. જેમાં અબ્દુ રોજિકને ઘરમાંથી કાઢી મૂકવામાં આવ્યો હતો,પરંતુ હવે એવા સમાચાર આવી રહ્યા છે કે અબ્દુ રોજિક ટૂંક સમયમાં શોમાં પરત ફરવાના છે.
રિયાલિટી શો ‘બિગ બોસ 16’ હવે 12 ફેબ્રુઆરી, 2023ના રોજ સમાપ્ત થશે.બિગ બોસની 16મી સીઝન પણ બોલિવૂડ સુપરસ્ટાર સલમાન ખાન હોસ્ટ કરે છે, આ શો 1 ઓક્ટોબરથી શરૂ થયો હતો.રિયાલિટી શોની દર્શકોમાં ખૂબ જ માંગ જોવા મળી રહી છે અને તેને ફેબ્રુઆરી સુધી લંબાવવામાં આવ્યો છે.આગામી એપિસોડમાં, ‘બિગ બોસ 16’નો સૌથી સુંદર સ્પર્ધક અબ્દુ રોજિક શો છોડતો જોવા મળ્યો હતો.
એક પ્રોમોમાં બતાવવામાં આવ્યું હતું કે બિગ બોસ અબ્દુને ઘરની બહાર આવવા માટે કહી રહ્યા છે. ‘અબ્દુ આપ ઘરવાલ સે વિદા લેકર ઘર કે બહાર આયે’ની જાહેરાત કરવામાં આવી હતી. એવી અફવા છે કે અબ્દુ તબીબી કારણોસર બે દિવસ માટે બહાર ગયો છે અને ટૂંક સમયમાં પાછો આવશે.અહેવાલો અનુસાર, અબ્દુ ટૂંક સમયમાં શોમાં પરત ફરશે.હાલમાં, શોમાં એમસી સ્ટેન, અર્ચના ગૌતમ, શ્રીજીતા ડે, નિમ્રિત કૌર અહલુવાલિયા, સાજિદ ખાન, વિકાસ મનકતલા, પ્રિયંકા ચૌધરી, અંકિત ગુપ્તા, શાલીન ભનોટ, ટીના દત્તા, સુમ્બુલ તોકીર, શિવ ઠાકરે અને સૌંદર્યા શર્મા ઘરમાં છે.