આજે વિશ્વ વાઘ દિવસ,જાણો શા માટે અને ક્યારથી આ દિવસ મનાવવાની થઇ શરૂઆત

• આજે વિશ્વ વાઘ દિવસ
• જાણો આ વર્ષની થીમ

દર વર્ષે 29 જુલાઈએ વિશ્વના ઘણા દેશોમાં આંતરરાષ્ટ્રીય વાઘ દિવસ ઉજવવામાં આવે છે. વાઘના સંરક્ષણ અને તેમની લુપ્ત થતી પ્રજાતિઓને બચાવવાના ઉદ્દેશ્ય સાથે આંતરરાષ્ટ્રીય વાઘ દિવસની ઉજવણી કરવામાં આવે છે. આ પ્રસંગે લોકોને વાઘની પ્રજાતિના લુપ્ત થવા અંગે જાગૃત કરવામાં આવે છે.હકીકતમાં, વર્લ્ડ વાઇલ્ડલાઇફ ફંડના રિપોર્ટ અનુસાર, છેલ્લા 150 વર્ષમાં વાઘની સંખ્યામાં લગભગ 95 ટકાનો ઘટાડો થયો છે.વાઘ દિવસ ઉજવવાનું નક્કી કરતી વખતે, દેશોએ વાઘની સંખ્યા બમણી કરવાનો લક્ષ્યાંક રાખ્યો હતો.ઘણા દેશો આ લક્ષ્યને પૂર્ણ કરવા માટે પ્રયાસો કરી રહ્યા છે. જોકે, ભારતે વર્ષ 2018માં જ વાઘની પ્રજાતિને બમણી કરવાનો લક્ષ્યાંક હાંસલ કર્યો છે.વર્ષ 2018માં ભારતમાં વાઘની સંખ્યા 2900થી વધુ હતી. તો ચાલો જાણીએ કે ઈન્ટરનેશનલ ટાઈગર ડેની ઉજવણી ક્યારે શરૂ થઈ, ટાઈગર ડેનો ઈતિહાસ શું છે અને આ વર્ષના ટાઈગર ડેની થીમ શું છે.

આંતરરાષ્ટ્રીય વાઘ દિવસનો ઇતિહાસ

ટાઈગર ડેની ઉજવણી વર્ષ 2010થી શરૂ થઈ હતી. રશિયાના પીટર્સબર્ગમાં એક આંતરરાષ્ટ્રીય કોન્ફરન્સનું આયોજન કરવામાં આવ્યું હતું, જેમાં 29 જુલાઈને વિશ્વ વાઘ દિવસ તરીકે ઉજવવાનું નક્કી કરવામાં આવ્યું હતું. આ આંતરરાષ્ટ્રીય સમિટમાં 13 દેશોએ ભાગ લીધો હતો. વાઘની પ્રજાતિના લુપ્ત થવા પર ચિંતા વ્યક્ત કરતાં તેણે 2022 સુધીમાં વાઘની સંખ્યા બમણી કરવાનો લક્ષ્યાંક નક્કી કર્યો છે.

વાઘ દિવસની થીમ

ગયા વર્ષે ટાઇગર ડેની થીમ “Their survival is in our hands.”હતી,તે જ સમયે, આંતરરાષ્ટ્રીય વાઘ દિવસ 2022 ની થીમ છે“India launches Project Tiger to revive the tiger population” .

વિશ્વ વાઘ દિવસ કેવી રીતે ઉજવવામાં આવે છે?

આ દિવસે વાઘના સંરક્ષણ અંગે સેમિનારનું આયોજન કરવામાં આવે છે. આ દ્વારા વધુમાં વધુ લોકોને વાઘ વિશે માહિતી આપવામાં આવે છે અને તેમના સંરક્ષણ વિશે જાગૃત કરવામાં આવે છે. વાઘના સંરક્ષણ માટે કામ કરતી સંસ્થાઓને પ્રોત્સાહિત અને દાન આપવામાં આવે છે.

ભારતમાં વાઘની સ્થિતિ

દેશમાં વાઘની સ્થિતિ વિશે માહિતી આપતા ભારત સરકારે કહ્યું કે,છેલ્લા ત્રણ વર્ષમાં શિકાર, કુદરતી અને અકુદરતી કારણોસર 329 વાઘના મોત થયા છે. તે જ સમયે, વર્ષ 2019 માં 96 વાઘના મોત થયા છે. જો કે, હવે શિકારના કેસોની સંખ્યામાં ઘટાડો થયો છે.