- કોન્ટેક્ટ લેંસનો ઉપયોગ કરો છો ?
- તો આ રીતે કરો આઈ મેકઅપ
- નહીં થાય કોઈ નુકસાન
મહિલાઓ હોય કે પુરૂષો આજકાલ આંખોની રોશની ઓછી થવાની ઘણી સમસ્યા જોવા મળી રહી છે.નાની ઉંમરમાં જ આંખ પર મોટા ચશ્માં લાગી જતા હોય છે.ચશ્માં પહરેલા હોવાથી મોટા ભાગે એવું લાગતું હોય છે કે, આપણો દેખાવ ખરાબ થઇ રહ્યો છે. આવું મહિલાઓ સાથે વધુ થાય છે.જે મહિલાઓને નંબરના ચશ્માં લાગેલા છે, તેઓ પાર્ટીઓ કે વગેરે પ્રસંગમાં તેમના દેખાવમાં પરફેક્ટ નથી લાગતી, જેના કારણે તેઓ આજકાલ તેમની આંખો પર કોન્ટેક્ટ લેંસ લગાવે છે.
આજકાલ કેટલીક મહિલાઓ ફેશન અને સ્ટાઇલિશ લુક માટે કોન્ટેક્ટ લેંસ પણ લગાવે છે, જ્યારે કેટલીક મહિલાઓ ચશ્માને બદલે કોન્ટેક્ટ લેંસ પહેરે છે.ફેશન અને સ્ટાઇલ માટે ઉપયોગમાં લેવાતા લેંસ કલરફુલ હોય છે. કોન્ટેક્ટ લેંસ લગાવ્યા પછી પણ મહિલાઓએ મેકઅપ કરતી વખતે ખૂબ કાળજી રાખવી જોઈએ.જો તમે લેંસની કાળજી ન રાખો તો આંખોને ઘણું નુકસાન થઈ શકે છે. તો ચાલો જાણીએ લેન્સ લગાવ્યા પછી આંખનો મેકઅપ કેવી રીતે કરવો અને આંખનો મેકઅપ કરવાની સરળ ટિપ્સ.
લેંસ લગાવ્યા પછી કેવી રીતે કરવો આંખનો મેકઅપ
લેંસ લગાવ્યા પછી આંખનો મેકઅપ કરવાની એક ખાસ રીત પણ છે, જો તમે લેંસ લગાવી રાખ્યો છે તો તમે હંમેશા ધીમે-ધીમે મેકઅપ કરો.કયારેય પણ આંખો પર જોરથી અથવા ઝડપી હાથથી બ્રશ ન લગાવો.
સ્વચ્છ હાથ વડે આંખોને સ્પર્શ કરો
આંખોને હંમેશા સ્વચ્છ અને શુષ્ક હાથથી સ્પર્શ કરવી જોઈએ, આંખો ખૂબ જ નાજુક હોય છે, તેથી આંખોને ફક્ત સ્વચ્છ હાથથી જ સ્પર્શવી જોઈએ કારણ કે હાથમાં રહેલી ગંદકી લેંસ પર ચોંટી જશે. સ્વચ્છ હાથ વડે આંખોમાં મોઈશ્ચરાઈઝર અને મેકઅપ લગાવો. ભીના હાથથી લેંસને સ્પર્શ કરશો નહીં.
ઓયલ ફ્રી મેકઅપ પ્રોડકટનો ઉપયોગ કરશો નહીં
કોઈપણ મહિલા જે કોન્ટેક્ટ લેંસનો ઉપયોગ કરે છે. તેઓએ ક્યારેય ઓઈલ ફ્રી પ્રોડક્ટ્સનો ઉપયોગ ન કરવો જોઈએ.આઈશેડોમાં સામેલ તેલ તમને નુકસાન પહોંચાડી શકે છે, જેના કારણે તે બળતરા અને એલર્જીનું કારણ બને છે. આવી સ્થિતિમાં લેંસ લગાવ્યા બાદ લાઇનર અને કાજલ લગાવવાનું ટાળવું જોઈએ. જો તમે લેંસનો ઉપયોગ કરો છો, તો પછી આંખોની બાજુઓ પર આંખનો મેકઅપ કરવાનું ટાળો.
લેંસ ઉતાર્યા પછી મેકઅપ દૂર કરો
જો તમે લેંસ પહેરો છો, તો સૂતા પહેલા હંમેશા લેંસ ઉતારો. લેંસ ઉતાર્યા પછી પણ હંમેશા મેક-અપ કાઢી નાખવો જોઈએ.લેંસ દર બે દિવસે સાફ કરવા જોઈએ.