સ્વાસ્થ્ય ગુણોથી ભરપૂર વ્હીટગ્રાસ શું છે ? જાણો તેના ફાયદા

• સ્વાસ્થ્ય ગુણોથી ભરપૂર છે વ્હીટગ્રાસ
• વ્હીટગ્રાસના છે અનેક ફાયદા
• વ્હીટગ્રાસનું સેવન કરવું સ્વાસ્થ્ય માટે લાભદાયક

વ્હીટગ્રાસ અંકુરિત ઘઉંના છોડના પાંદડાઓને કહેવામાં આવે છે. તેને ઘઉંનો જુવાર પણ કહેવામાં આવે છે. તેનો ઉપયોગ પીણા અથવા આહાર તરીકે થાય છે. તેમાં ઘણા પોષક તત્વો હોય છે. તેનું સેવન કરવાથી ઘણા આરોગ્ય લાભ થાય છે.

વ્હીટગ્રાસમાં આયર્ન, મેગ્નેશિયમ, કેલ્શિયમ, ફાયટોન્યુટ્રિએન્ટ્સ, એમિનો એસિડ્સ, વિટામિન એ, સી, ઇ, કે અને બી કોમ્પ્લેક્સ, ક્લોરોફિલ અને પ્રોટીન જેવા પોષક તત્વો હોય છે. તે સ્વાસ્થ્ય માટે ખૂબ ફાયદાકારક છે. તો ચાલો જાણીએ તેના ફાયદાઓ

વ્હીટગ્રાસનું સેવન

વ્હીટગ્રાસની તાસીર ઠંડી હોય છે. તેથી, ઉનાળામાં વ્હીટગ્રાસનું જ્યુસ પીવામાં આવે છે. તેનું નિયમિત સેવન કરી શકાય છે. પરંતુ તેનું વધારે સેવન નુકસાનકારક પણ હોઈ શકે છે.

ત્વચા માટે

વ્હીટગ્રાસ ત્વચા માટે ખૂબ ફાયદાકારક છે. તમે તેનો ઉપયોગ ટેનને દૂર કરવા માટે કરી શકો છો. વ્હીટગ્રાસના પાવડરને પાણીમાં ભેળવી તેનો લેપ પ્રભાવિત જગ્યા પર લગાવી શકાય છે. તેને ચહેરા પર 5 થી 10 મિનિટ સુધી લગાવો અને પછી ચહેરો ધોઈ લો. તમે અઠવાડિયામાં એક કે બે વાર આ કરી શકો છો.

વજન ઓછું કરવા માટે

વ્હીટગ્રાસમાં ફાઇબરની માત્રા વધારે હોય છે. તે તમને વજન ઘટાડવામાં મદદ કરી શકે છે. તે વધુ જંક ફૂડની ચરબી ઘટાડવામાં મદદ કરે છે. વ્હીટગ્રાસના પાવડરને તમે જ્યુસ સાથે મિક્ષ કરીને પી શકો છો.

કબજિયાતની સમસ્યાને રોકવા માટે

વ્હીટગ્રાસમાં ફાઇબર અને મેગ્નેશિયમની માત્રા વધુ હોય છે. તે મેટાબોલિઝમ વધારે છે. તેનાથી કબજિયાતની સમસ્યામાં રાહત મળે છે. વ્હીટગ્રાસ પાવડરમાં આલ્કલાઇન મિનરલ્સ હોય છે. તે અલ્સર, ઝાડા અને કબજિયાતને દૂર કરવા માટે કામ કરે છે.