દિલ્હીઃ શિયાળો આવતાની સાથએ જ દિલ્હીની હવામાં પ્રદુષણનું સ્તર વઘવા લાગે છે ક્યાક પરાળઈ બાળવાની ઘટનાઓમાં તો વળી આજુબાજુ ઔધોગિક કંપનીઓના કારણે જો કે આ વખતે દિલ્હીમાં ઉદ્યોગ કંપનીઓ પર ખાસ નજર રાખવામાં આવી રહી છે
પ્રાપ્ત માહિતી પ્રમાણેલ રાજધાનીમાં હવાના પ્રદૂષણમાં ઔદ્યોગિક પ્રદૂષણ પણ ફાળો આપે છે. જેને પહોંચી વળવા માટે દિલ્હી સરકાર સખ્ત બની છે. ઔદ્યોગિક પ્રદૂષણને રોકવા માટે એક મહિનાનું અભિયાન ચલાવવામાં આવશે.
જેઆ ભિયાન આવતીકાલથી એટલે કે 20 ઓક્ટોબરથી 20 નવેમ્બર સુધી ચાલશે. જેમાં ડીપીસીસી અને ડીએસઆઈઆઈડીસીની 66 ટીમો ઔદ્યોગિક એકમોના નિરીક્ષણ માટે તૈનાત કરવામાં આવી છે.
આ સંદર્ભમાં વિતેલા દિવસને બુધવારે પર્યાવરણ મંત્રી ગોપાલ રાયે દિલ્હી સચિવાલયમાં સમીક્ષા બેઠક યોજી હતી. તેમણે કહ્યું કે ઔદ્યોગિક કચરાના ડમ્પિંગ પર નજર રાખવા માટે પેટ્રોલિંગ ટીમો તૈનાત કરવામાં આવી છે. આ બેઠકમાં DPCC, પર્યાવરણ વિભાગ, DSIIDC અને અન્ય વિભાગોના વરિષ્ઠ અધિકારીઓ ઉપસ્થિત રહ્યા હતા. પ્રદુષણ રોકવા માટે 66 ટીમો તાત્કાલિક કાર્યવાહી કરશે રાયે કહ્યું કે શિયાળાની મોસમમાં પ્રદૂષણની સમસ્યાનો સામનો કરવા માટે 29 સપ્ટેમ્બરે 15 ફોકસ પોઈન્ટ પર આધારિત વિન્ટર એક્શન પ્લાનની જાહેરાત કરવામાં આવી હતી.
દિલ્હીમાં વાયુ પ્રદૂષણને વધુ સુધારવા માટે, વિન્ટર એક્શન પ્લાન હેઠળ ઔદ્યોગિક પ્રદૂષણ અને તેના કચરા વ્યવસ્થાપન પર દેખરેખ રાખવાનું કામ શરૂ કરવામાં આવ્યું છે. આ તમામ 66 ટીમો ઔદ્યોગિક એકમો પર દેખરેખ રાખવા માટે કામ કરશે અને તેમના દ્વારા પ્રદૂષણ અટકાવવા તાત્કાલિક પગલાં લેશે.
