અભિનેતા આદિવી સેષ અને મૃણાલ ઠાકુર હાલમાં તેમની આગામી ફિલ્મ ‘ડાકૈત’ને લઈને ચર્ચામાં છે. તેઓ ફિલ્મના શૂટિંગમાં વ્યસ્ત છે. મીડિયા રિપોર્ટ્સ અનુસાર, સેટ પર શૂટિંગ દરમિયાન બંને સ્ટાર્સ ઘાયલ થયા છે. વાસ્તવમાં, આ અકસ્માત ફિલ્મના હાઇ ઓક્ટેન સીનના શૂટિંગ દરમિયાન થયો હતો. જોકે, બંને સ્ટાર્સ કે નિર્માતાઓ દ્વારા આ અંગે કોઈ સત્તાવાર નિવેદન જારી કરવામાં આવ્યું નથી.
અહેવાલો અનુસાર, ફિલ્મના સેટ પર અકસ્માતમાં મૃણાલ ઠાકુર અને આદિવી સેષને નાની ઈજાઓ થઈ છે. બંનેને તાત્કાલિક સારવાર આપવામાં આવી હતી. અહેવાલ મુજબ, આ ઘટના હૈદરાબાદમાં એક એક્શન સીનના શૂટિંગ દરમિયાન બની હતી. આ ઘટના છતાં બંને કલાકારોએ ફિલ્મનું શૂટિંગ ચાલુ રાખ્યું હતું.
સિનેમેટોગ્રાફર શેનિલ દેવ આ ફિલ્મ સાથે દિગ્દર્શક તરીકે ડેબ્યૂ કરી રહ્યા છે. આદિવી સેશે શેનિલ દેવ સાથે આ ફિલ્મની સ્ક્રિપ્ટ પર કામ કર્યું છે. આ ફિલ્મ આ વર્ષે ક્રિસમસ દરમિયાન રિલીઝ થશે. ફિલ્મનું ટીઝર મે મહિનામાં રિલીઝ થયું હતું. ટીઝરમાં મૃણાલ અને આદિવી સેશની સાથે અનુરાગ કશ્યપ પણ મહત્વપૂર્ણ ભૂમિકામાં દેખાયા હતા.
પહેલા શ્રુતિ હાસન ફિલ્મ ‘ડાકૈત’માં આદિવી સેશ સાથે મુખ્ય ભૂમિકામાં હતી, પરંતુ બાદમાં તેણે ફિલ્મ છોડી દીધી. આ પછી, હવે મૃણાલ ઠાકુર ફિલ્મમાં મુખ્ય ભૂમિકામાં જોવા મળશે. પ્રકાશ રાજ, અતુલ કુલકર્ણી, સુનીલ, જૈન મેરી ખાન અને કામાક્ષી ભાસ્કરલા જેવા ઘણા કલાકારો પણ ફિલ્મમાં મહત્વપૂર્ણ ભૂમિકામાં છે.