નવી દિલ્હી, 20 મે 2026: Russian President Vladimir Putin visits China વૈશ્વિક ભૌગોલિક-રાજનીતિ (Geopolitics) ના પ્લેટફોર્મ પર એક ખૂબ જ મહત્વપૂર્ણ ઘટનાક્રમ સામે આવી રહ્યો છે. રશિયાના રાષ્ટ્રપતિ વ્લાદિમીર પુતિન (Vladimir Putin) પોતાના બે દિવસીય સત્તાવાર પ્રવાસે ચીનની રાજધાની બેઇજિંગ પહોંચી ગયા છે. પોતાની આ મુલાકાત દરમિયાન રાષ્ટ્રપતિ પુતિન ચીનના રાષ્ટ્રપતિ શી જિનપિંગ (Xi Jinping) સાથે હાઈ-પ્રોફાઈલ દ્વિપક્ષીય બેઠક યોજશે.
અમેરિકાના રાષ્ટ્રપતિ ડોનાલ્ડ ટ્રમ્પના ચીન પ્રવાસના એક અઠવાડિયા કરતાં પણ ઓછા સમયમાં પુતિનની આ મુલાકાત યોજાઈ રહી હોવાથી સમગ્ર વિશ્વની નજર આ બેઠક પર ટકેલી છે. રાષ્ટ્રપતિ પુતિનનો આ પ્રવાસ રાજદ્વારી દ્રષ્ટિએ પણ ખૂબ જ ઐતિહાસિક છે. વર્ષ 2001માં ચીન અને રશિયા વચ્ચે થયેલી ‘ગુડ-નેબરલીનેસ એન્ડ ફ્રેન્ડલી કોઓપરેશન’ (China-Russia Friendship Treaty) સંધિની આ 25મી વર્ષગાંઠ છે. આ સીમાચિહ્નરૂપ અવસરની ઉજવણી અને બંને દેશોના મજબૂત થતા જતા સંબંધોના પ્રતીક રૂપે આ પ્રવાસનું આયોજન કરવામાં આવ્યું છે.
વધુ વાંચો: ગુજરાતઃ ઘઉંની ટેકાના ભાવે ખરીદીની મુદત લંબાવી 15 જૂન કરાઈ