ચોમાસામાં ન પહેરો આ કપડા થઇ શકે છે તમને પરેશાની જે રીતે ઋતુઓ બદલાય ત્યારે આપણે આપણી ત્વચા સંભાળની દિનચર્યામાં ફેરફાર કરીએ છીએ, તેવી જ રીતે આપણી કપડાંની શૈલી પણ બદલાય છે. આ સિઝનમાં સોફ્ટ ફેબ્રિકના કપડા પહેરવા જોઈએ.આ સિઝનમાં ભેજ વધારે હોવાને કારણે પરસેવો પણ વધુ આવે છે. ઉનાળા અને ચોમાસામાં સુતરાઉ કપડા પહેરવા આરામદાયક છે.
મોસમ પ્રમાણે ફેબ્રિકમાં બદલાવ લાવું ખૂબ જ જરૂરી છે. જેથી આપણને અસ્વસ્થતા ન લાગે. ખરેખર, ખોટા ફેબ્રિકના કપડાં પહેરવાથી ખંજવાળ અને ફોલ્લીઓ થઈ શકે છે. ખાસ કરીને ચોમાસાની ઋતુમાં જ્યારે ભેજ વધવાને કારણે ત્વચા ચીકણી લાગે છે અને પરસેવો પણ વધુ આવે છે. આવી સ્થિતિમાં અસ્વસ્થ કપડાં પહેરવાથી સમસ્યા વધુ વધી જાય છે. અમે તમને કેટલાક એવા ફેબ્રિક વિશે જણાવી રહ્યા છીએ જે ચોમાસામાં પહેરવા મુશ્કેલ બની શકે છે.
ડેનિમ ફેબ્રિક
ડેનિમ ફેબ્રિક હંમેશા ટ્રેન્ડમાં હોય છે, પછી તે કોઈપણ સિઝનમાં હોય. પરંતુ આ સિઝનમાં તેને ટાળવું જોઈએ. ખરેખર ડેનિમ પહેરવા માટે મુલાયમ છે. પરંતુ પાણી અથવા પરસેવામાં પલાળ્યા બાદ તેનું ફેબ્રિક ભારે થઈ જાય છે. તેના કારણે ત્વચા પર બળતરા, ફોલ્લીઓની સમસ્યા રહે છે. તમે તેના બદલે કોટન પેન્ટ કે શોર્ટ્સ કેરી કરી શકો છો.
વેલવેટ ફેબ્રિક
વેલવેટ કપડાં દેખાવમાં ખૂબ સ્ટાઇલિશ લાગે છે. પરંતુ તેને વરસાદી કે ગરમ હવામાનમાં પહેરવાનું ટાળવું જોઈએ. વેલવેટ ફેબ્રિક ભારે છે. તે પણ ઝડપથી સુકાતું નથી, તેથી ચોમાસામાં તેને પહેરવાનું ટાળવું જોઈએ.
સિલ્ક સાડી
સિલ્ક સાડીનો ટ્રેન્ડ ક્યારેય જતો નથી. તે દેખાવમાં લાઈટવેટ હોય છે પરંતુ ઉનાળા અથવા વરસાદની ઋતુમાં સિલ્કી કપડાં પહેરવાનું ટાળવું જોઈએ. વાસ્તવમાં, સિલ્ક કપડા પર પરસેવો અને પાણીના સફેદ ડાઘ થઇ જાય છે જે સરળતાથી જતા નથી. તેથી, વરસાદની ઋતુમાં સિલ્ક ડ્રેસેઝ ન પહેરો.