રાયપુર, 12 જૂન 2026: lightning strike in Kanker છત્તીસગઢના કાંકેર જિલ્લામાં સવારે એક દુ:ખદ ઘટના બની. અંતાગઢ વિકાસ બ્લોકમાં આવેલા કલગાંવમાં રોજગાર ગેરંટી યોજના હેઠળ તળાવને ઊંડા કરવાનું કામ ચાલી રહ્યું હતું. કામ દરમિયાન, વીજળી પડતાં એક ડેપ્યુટી સરપંચ અને બે અન્ય લોકોના મોત થયા, જ્યારે ઘણી મહિલાઓ ગંભીર રીતે દાઝી ગઈ.
બધી ઘાયલ મહિલાઓને સારવાર માટે અંતાગઢના કોમ્યુનિટી હેલ્થ સેન્ટરમાં દાખલ કરવામાં આવી છે, જ્યાં તેમની હાલમાં સારવાર ચાલી રહી છે.
સરકારી યોજના હેઠળ ચાલી રહ્યું હતું કામ
એક અધિકારીએ જણાવ્યું હતું કે આ ઘટના અંતાગઢ વિકાસ બ્લોકના કલગાંવ ગામમાં બની હતી જ્યારે ગ્રામજનો સરકારી યોજના હેઠળ તળાવ ઊંડા કરવાનું કામ કરી રહ્યા હતા. તેમણે ઉલ્લેખ કર્યો હતો કે લગભગ 70 ગ્રામજનો સ્થળ પર કામ કરી રહ્યા હતા ત્યારે અચાનક વીજળી પડી, જેમાં આઠ લોકો ઘાયલ થયા. આ ઘટનામાં ડેપ્યુટી સરપંચ મનરાજ પટેલ, સંતોષ પટેલ અને પ્રકાશ પટેલના મોત થયા હતા.
બધા ઝાડ પાસે ઉભા હતા
એક અધિકારીના જણાવ્યા મુજબ, જ્યારે આ ઘટના બની ત્યારે ગામલોકો ‘વિકસિત ભારત – રોજગાર અને આજીવિકા મિશન (ગ્રામીણ)’ યોજના હેઠળ કામ કરી રહ્યા હતા – જે અગાઉ મનરેગા તરીકે ઓળખાતી હતી. સવારે, બધા કામદારો અચાનક ધોધમાર વરસાદથી બચવા માટે નજીકના એક ઝાડ નીચે આશ્રય લેવા માટે ભેગા થયા હતા; ત્યાં વીજળી પડી, જેમાં ત્રણ લોકોના મોત થયા અને પાંચ અન્ય ઘાયલ થયા.