દિલ્હીઃ- ચીન સતત બોખલાઈ રહ્યું છે ભારતનો અંગ ગણાતા અરુણાચલ પ્રદેશ અને અક્સાઈ ચીનને સતત તે પોતાનો ભાગ કહી રહ્યું છે ત્યારે ફરી એક વખત ચીને આ નાપાક હરકત કરી છે એન આ બન્ને રાજ્યોને પોતાનો ભાગ ગણાવ્યો છે.ચીને તેના માનક નકશાનું નવું સંસ્કરણ બહાર પાડ્યું છે.
જાણકારી પ્રમાણે આ માનકપત્રમાં નકશો જાહેર કરતાની સાથે જ વિવાદ સર્જાયો હતો. ચીને ભારતના અરુણાચલ પ્રદેશ, અક્સાઈ ચીન, તાઈવાન અને દક્ષિણ ચીન સાગરને પોતાનો વિસ્તાર બતાવ્યો હતો. આ પછી ભારતે કહ્યું કે અરુણાચલ પ્રદેશ હંમેશા ભારતનો અભિન્ન ભાગ રહ્યો છે અને હંમેશા રહેશે જ જો કે આ પ્રથમ વખત નથી કે ચીનએ આમ કહ્યું હોય આ પહેલા અનેક વખત ચીન આ રીતે બોલી ચૂક્યુ છે અને નકશામાં આનમ કરી ચૂક્યું છે.
ચીનના સમાચાર પત્ર ગ્લોબલ ટાઈમ્સે X પર ટ્વિટ કર્યું કે ચીને સોમવારે 2023નો નવો નકશો જાહેર કર્યો છે. એક ટ્વિટમાં, ગ્લોબલ ટાઈમ્સે કહ્યું કે ચીન અને વિશ્વના વિવિધ દેશોની રાષ્ટ્રીય સરહદોની રેખાંકનની પદ્ધતિના આધારે નકશાનું સંકલન કરવામાં આવ્યું છે. ગ્લોબલ ટાઈમ્સ દ્વારા બહાર પાડવામાં આવેલા નકશામાં અરુણાચલ પ્રદેશ અને અક્સાઈ ચીનને પણ તેના પ્રદેશમાં દર્શાવવામાં આવ્યા છે.
ઉલ્લેખનીય છે કે ચીન અરુણાચલ પ્રદેશને દક્ષિણ તિબેટનો ભાગ માને છે. જો કે ભારતે ચીનના આ નકશાને ફગાવી દીધો છે. ભારતનું કહેવું છે કે અરુણાચલ પ્રદેશ ભારતનો અભિન્ન અંગ છે અને ભવિષ્યમાં પણ તે ભારતનો અભિન્ન ભાગ જ રહેશે. સાથે જ ચીન તાઈવાનને પણ પોતાના ક્ષેત્રનો ભાગ માને છે.જો કે ભારતે પણ આ વાતનો ઈન્કાર કરી દીઘો છે.