- ચા-કોફી સિવાયના પીણાઓ સવનારે પીવો
- નારિયેળ પાણી દૂધ જેવા પીણા આરોગ્યને ફાયદો કરે છે
સારુ જીવન જીવવા માટે આરોગ્ય તંદુર્સ હોવું જરુરી છે.,જો આરોગ્ય તંદુરસ્ત હશે તો આપણે સારુ જીવન જીવી શકીશું,સામાન્ય રીતે દેશના દરેક લોકો સવારની શરૂઆત ચા કે કોફી થી કરતા હોય છે. આખો દિવસ ફ્રેશ રહેવા અને શરીરને સ્વસ્થ રાખવા માટે સવારે કરવામાં આવેલું સેવન હેલ્ધી હોવું જોઈએ. મોટાભાગના લોકો તેમના દિવસની શરૂઆત ચા કે કોફીથી કરે છે પરંતુ ચા કે કોફીની આદત સ્વાસ્થ્ય માટે હાનિકારક છે.
જો તમે હેલ્ધી રહેવા માંગતા હોય તો આ બન્નેને છોડીલે કેટલાક એવા પીણાઓ છે જેનું તમે સેવન કરી શકો છો જેનાથી તમારી સવાર તો સારી રહેશે જ તમે ફ્રેશ ફીલ કરશો સાથે સાથે લાંબા સમયે આરોગ્યની તંદુરસ્તી પણ જળવાય રહેશે
દૂધ – સ્વાસ્થ્ય નિષ્ણાતોના મતે સવારના નાસ્તામાં ચાને બદલે દૂધ પીવાની ટેવ પાડવી વધારે સારી છે. દૂધ ખૂબ જ પૌષ્ટિક માનવામાં આવે છે. વિટામિન, કેલ્શિયમથી ભરપૂર દૂધના નિયમિત સેવનથી હાડકાં અને દાંત મજબૂત બને છે. સવારે દૂધનું સેવન કરવાથી તમે દિવસભર ઉર્જાવાન રહેવામાં મદદ મળે છે.
ગરમ લીંબુ પાણી – સૌ કોી જાણે છે કે લીબુંપાણીને એનર્જી ડ્રિંક કહેવાય છે. ઉનાળામાં તમે ગમે ત્યારે લીંબુ પાણીનું સેવન કરી શકો છો, જેનાથી ડિહાઈડ્રેશનની સમસ્યા ઓછી થાય છે, પરંતુ સવારે નવશેકા પાણીમાં લીંબુનો રસ ભેળવીને પીવાથી શરીરને વધુ ફાયદો થાય છે. સવારે ખાલી પેટ ગરમ લીંબુ પાણી પાચનતંત્ર અને રોગપ્રતિકારક શક્તિને સુધારે છે. વજન વધતું અટકાવે છે અને દિવસની સારી શરૂઆત કરે છે.
નારિયેળ પાણી – નારિયેળ પાણી સ્વાસ્થ્યની દ્રષ્ટિએ પણ ફાયદાકારક છે. નારિયેળ પાણીને એનર્જી ડ્રિંક માનવામાં આવે છે. સવારે નારિયેળ પાણીનું સેવન કરવાથી તમને દિવસભર એનર્જીનો અભાવ નથી લાગતો. નાળિયેર પાણીમાં ચરબી અને ખાંડની માત્રા ખૂબ ઓછી હોય છે. તેથી, નારિયેળ પાણીનું સેવન સ્વાસ્થ્ય માટે દરેક રીતે સારું છે.
ફળોના રસનું સેવન – સવારે તાજા ફળોના રસનું સેવન સ્વાસ્થ્ય માટે ફાયદાકારક છે. જ્યૂસ શરીરને એનર્જી આપે છે, સાથે જ સ્વાસ્થ્યને પણ મજબૂત બનાવે છે. જો કે, સવારે તમે ઘણા પ્રકારના જ્યુસનું સેવન કરી શકો છો. પરંતુ ગૂસબેરીનો રસ, એલોવેરાનો રસ, દાડમનો રસ અને દૂધીનું જ્યૂસ સવારે ખાલી પેટ ખૂબ જ ફાયદાકારક માનવામાં આવે છે.