- રાજધાની દિલ્હી બની ગેસ ચેમ્બર
- લોકોને શ્વાસ લેવામાં પડી રહી છે તકલીફ
- ઘણા વિસ્તારોમાં સ્થિતિ ગંભીર
દિલ્હી: રાષ્ટ્રીય રાજધાની દિલ્હી એક ગેસ ચેમ્બર બની રહી છે. અહીં વાયુ પ્રદૂષણના કારણે લોકોને શ્વાસ લેવામાં તકલીફ પડી રહી છે. સેન્ટ્રલ પોલ્યુશન કંટ્રોલ બોર્ડ (CPCB) અનુસાર, સમગ્ર દિલ્હીમાં એર ક્વોલિટી ઈન્ડેક્સ (AQI) ઘણા વિસ્તારોમાં ‘ગંભીર’ શ્રેણીમાં પહોંચી ગયો છે.
AQI અશોક વિહારમાં 405, જહાંગીરપુરીમાં 428, મેજર ધ્યાનચંદ નેશનલ સ્ટેડિયમમાં 404, દ્વારકા સેક્ટર 8માં 403 નોંધાયું છે. દિલ્હીના ઈન્ડિયા ગેટનો સવારનો નજારો સામે આવ્યો છે, જેમાં ગાઢ ધુમ્મસ જોવા મળી રહ્યું છે.
દિલ્હીની હવા હજુ પણ ઝેરી છે. સેન્ટ્રલ પોલ્યુશન કંટ્રોલ બોર્ડ (CPCB) અનુસાર, મંગળવારે સમગ્ર દિલ્હીમાં હવાની ગુણવત્તા ‘ખૂબ નબળી’ શ્રેણીમાં હતી. આ સમયગાળા દરમિયાન આનંદ વિહારમાં AQI 374, જહાંગીરપુરીમાં 399, લોધી રોડમાં 315, ન્યૂ મોતી બાગમાં 370 નોંધાયો હતો.
સોમવારે દિલ્હીની હવાની ગુણવત્તા 331 નોંધાઈ હતી, જે ‘ખૂબ નબળી’ શ્રેણી દર્શાવે છે. સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર, રવિવારે દિલ્હીની આસપાસના વિસ્તારોમાં વાયુ પ્રદૂષણના સ્તરમાં થોડો ઘટાડો થયો હતો. સોમવારે દિલ્હીનું લઘુત્તમ તાપમાન 13.4 ડિગ્રી સેલ્સિયસ નોંધાયું હતું. વિઝિબિલિટી 1500 મીટર હતી.
દિલ્હીના જહાંગીરપુરીમાં AQI 395, પંજાબી બાગમાં 388, રોહિણીમાં 381, નેહરુ નગરમાં 376, આનંદ વિહારમાં 364, સોનિયા વિહારમાં 359, પટપરગંજમાં 358 નોંધાયો હતો.