ચીનમાં ભૂકંપના આંચકા અનુભવાયા,જાણો કેટલી નોંધાઈ તીવ્રતા

દિલ્હી: ચીનના દક્ષિણી શિનજિયાંગમાં બુધવારે ભૂકંપના આંચકા અનુભવાયા હતા. યુરોપીયન-મેડિટેરેનિયન સિસ્મોલોજીકલ સેન્ટર (EMSC) એ જણાવ્યું હતું કે રિક્ટર સ્કેલ પર ભૂકંપની તીવ્રતા 5.5 માપવામાં આવી હતી. EMSCએ જણાવ્યું કે ભૂકંપનું કેન્દ્ર જમીનની અંદર આઠ કિલોમીટરની ઉંડાઈએ હતું.

અહીં, પશ્ચિમ નેપાળના જાજરકોટમાં સોમવારે ચારથી વધુની તીવ્રતાના ભૂકંપના કારણે ઓછામાં ઓછા 16 લોકો ઘાયલ થયા છે. આના થોડા દિવસો પહેલા એટલે કે ગયા શુક્રવારે દેશમાં આઠ વર્ષમાં સૌથી ભયાનક ભૂકંપ આવ્યો હતો, જેમાં 153 લોકોએ જીવ ગુમાવ્યા હતા. સુરક્ષા એજન્સીઓએ મંગળવારે જણાવ્યું હતું કે, બંને ભૂકંપમાં ઘાયલોની કુલ સંખ્યા 266 પર પહોંચી ગઈ છે. પશ્ચિમ નેપાળના જાજરકોટમાં સોમવારે બપોરે 4થી વધુની તીવ્રતાનો ભૂકંપ આવ્યો હતો. જેમાં 16 લોકો ઘાયલ થયા હતા. જેમાં રૂકુમ પશ્ચિમમાં 10 અને જાજરકોટમાં છ લોકોનો સમાવેશ થાય છે.

નેપાળમાં ગત શુક્રવારે રાત્રે જાજરકોટના રામીડાડામાં આવેલા ભૂકંપના કારણે પશ્ચિમી વિસ્તારોમાં ઓછામાં ઓછી 415 શાળાઓને નુકસાન થયું છે. જેમાં 24 વિદ્યાર્થીઓ અને એક શિક્ષકનું મોત થયું હતું.કરનાલી પ્રાંતના સામાજિક વિકાસ મંત્રાલયના સચિવ ભોજરાજ કાફલેએ જણાવ્યું હતું કે જાજરકોટમાં 349 શાળાઓ અને રૂકુમ પશ્ચિમમાં 66 શાળાઓને નુકસાન થયું છે. જેમાં 11 શાળાઓની આઈસીટી લેબ, એક લાઈબ્રેરી, 7 શાળાઓના ઘેરાવ અને 4 શાળાઓની સોલાર સિસ્ટમને નુકસાન થયું છે.100 શાળાઓને સંપૂર્ણ નુકસાન થયું છે. ઓછા પ્રભાવિત જિલ્લાઓની શૈક્ષણિક સંસ્થાઓની વિગતો આવવાની બાકી છે. 15 શાળાઓના 3,600 વિદ્યાર્થીઓ ખરાબ રીતે પ્રભાવિત થયા છે.ગયા શુક્રવારે મધ્યરાત્રિના થોડા સમય પહેલા નેપાળમાં 6.4ની તીવ્રતાનો ભૂકંપ આવ્યો હતો. ત્યારથી અહીં ભૂકંપના અનેક આંચકા અનુભવાયા છે. પશ્ચિમ નેપાળના જાજરકોટ અને રુકુમ પશ્ચિમ જિલ્લામાં જાહેર અને ખાનગી બંને પ્રકારના લગભગ 8,000 મકાનો અને ઈમારતોને નુકસાન થયું છે.