- સુપ્રિમકોર્ટની સુનાવણી હવે લાઈવ કરાશે
- આ માટે પોતાનું પ્લેટફોર્મ હશે
આજરોજ સોમવારે આવેલી અરજીની સુનાવણી દરમિયાન સુપ્રીમ કોર્ટે એક મહત્વની વાત કહી જે પ્રમાણે કાર્યવાહીના લાઈવ સ્ટ્રીમિંગ માટે હવે કોર્ટનું પોતાનું “પ્લેટફોર્મ” હશે અને આ હેતુ માટે યુટ્યુબનો ઉપયોગ અસ્થાયી છે.ન્યાયાધીશ યુયુ લલિતની અધ્યક્ષતાવાળી બેન્ચે ભાજપના પૂર્વ વિચારધારક કેએન ગોવિંદાચાર્ય દ્વારા દાખલ કરવામાં આવેલી અરજી પર સુનાવણી દરમિયાન આ વાત કહી હતી.
આ સાથે જ અરજીમાં કહેવામાં આવ્યું છે કે સુપ્રીમ કોર્ટની કાર્યવાહી ટેલિકાસ્ટ માટે યુટ્યુબ જેવી ખાનગી ચેનલને સોંપી શકાય નહીં. એડવોકેટ વિરાગ ગુપ્તાએ ખંડપીઠને જણાવ્યું હતું કે યુટ્યુબ પાસે પ્રસારણનો કોપીરાઈટ છે. સુનાવણી દરમિયાન જસ્ટિસ એસ. રવિન્દ્ર ભટ અને જસ્ટિસ જે.બી.પારડીવાલા પણ બેઠા હતા.
સીજેઆઈ લલિતે આ બાબતે કહ્યું કે, ‘આ પ્રારંભિક તબક્કા છે. અમારી પાસે ચોક્કસપણે અમારું પોતાનું પ્લેટફોર્મ હશે. અમે તે કોપીરાઈટ મુદ્દાની કાળજી લઈશું. આ સાથે ગોવિંદાચાર્યની વચગાળાની અરજી પર વધુ સુનાવણી 17 ઓક્ટોબરે નક્કી કરવામાં આવી છે.
આ સાથે જ વર્ષ 2018 ના ચુકાદાનો ઉલ્લેખ કરતા, એડવોકેટ ગુપ્તાએ કહ્યું કે એવું માનવામાં આવે છે કે આ કોર્ટમાં રેકોર્ડ કરાયેલ અને પ્રસારિત કરવામાં આવેલી તમામ સામગ્રી પરનો કોપીરાઈટ ફક્ત આ કોર્ટ પાસે જ રહેશે. તેમણે કોપીરાઈટના ઉપયોગની શરતોનો પણ ઉલ્લેખ કર્યો અને કહ્યું કે યુ ટ્યૂબ પણ કોપીરાઈટેડ હોવું જોઈએ.
તાજેતરની પૂર્ણ અદાલતની બેઠકમાં લેવાયેલા સર્વસંમતિના નિર્ણયમાં, સર્વોચ્ચ અદાલતે 27 સપ્ટેમ્બરથી તમામ બંધારણીય બેંચની સુનાવણીની કાર્યવાહીનું લાઈવ પ્રસારણ કરવાનો નિર્ણય કર્યો હતો.ઉલ્લેખનીય છે કે વર્ષ 2018માં આ સંબંધમાં ચુકાદો જાહેર થયાના લગભગ ચાર વર્ષ બાદ આ ચુકાદો આવ્યો છે.આ બાદ હવે સર્વોચ્ચ અદાલત કાર્યવાહીને યૂ ટ્યુબ દ્વારા લાઇવ સ્ટ્રીમ કરી શકે છે અને બાદમાં તેને તેના પોતાના સર્વર પર હોસ્ટ કરી શકે છે. લોકો કોઈપણ મુશ્કેલી વિના તેમના મોબાઈલ ફોન, લેપટોપ અને કોમ્પ્યુટર પર સર્વોચ્ચ અદાલતની કાર્યવાહી જોઈ અને સાંભળી શકશે.