- બીએસએફના જવાનોએ ઝડપી લઈ તપાસ શરૂ કરી
- આ શખ્સ પાકિસ્તાનના નગરપારકરનો રહેવાસી
અમદાવાદઃ ગુજરાત પડોશી દેશ પાકિસ્તાન સાથે જમીન અને જળ સીમાથી જોડાયેલો છે. દરમિયાન બનાસકાંઠાના નડાબેટ નજીક આંતરરાષ્ટ્રીય સીમા ક્રોસ કરવાનો પ્રયાસ કરી રહેલા પાકિસ્તાની ઘુસણખોરને ભારતીય સુરક્ષા જવાનોએ ઝડપી લીધો હતો. પાકિસ્તાની નાગરિક તારની વાડ કુધીને ભારતમાં ઘુસવાનો પ્રયાસ કરી રહ્યો હતો. ભારતીય સુરક્ષા એજન્સીઓએ તેની અટકાયત કરીને પૂછપરછ આરંભી છે.
કચ્છના સરહદ નજીક અવાર-નવાર પાકિસ્તાની માછીમારી બોટ અને માછીમારોને ઝડપી લેવામાં આવે છે. ગુજરાત પાકિસ્તાન સાથે જળ અને જમીન સરહદથી જોડાયેલું છે. જેથી સુરક્ષાને ધ્યાનમાં રાખીને સુરક્ષા એજન્સીઓ દ્વારા સરહદ ઉપર સઘન પેટ્રોલિંગ કરે છે. આ ઉપરાંત પાકિસ્તાનમાં બેઠેલા ડ્રગ્સ માફિયાઓ ડ્રગ્સની હેરાફેરી માટે ભારતીય જળસીમાનો ઉપયોગ કરતા હોવાનું પણ અગાઉ સામે આવ્યું છે.