વાસ્તુ અનુસાર નવા ઘરમાં પ્રવેશ કરતી વખતે કેટલીક બાબતોનું ધ્યાન રાખવામાં ન આવે તો તે વાસ્તુ દોષ બની જાય છે. જો કે મોટાભાગના લોકોને આ વાતની જાણકારી પણ હોતી નથી અને તેઓ પાછળથી પસ્તાવો કરતા હોય છે. વાસ્તુને હળવાશથી ન લેવા માટે પણ જાણકાર લોકો કહેતા હોય છે ત્યારે આવામાં જો વાત કરવામાં આવે નવા ઘરમાં સુખ ને શાંતિ જાળવી રાખવા વિશે તો આ બાબતો પણ લોકોએ ક્યારેય ન ભૂલવી જોઈએ.
સૌથી પહેલા તો ઘર એવું હોવું જોઈએ કે તે સવારે સૂર્યપ્રકાશ મેળવે. જો ઘરમાં અંધારું હોય તો તે વાસ્તુ દોષના કારણે પણ હોઈ શકે છે. તે દુર્ભાગ્ય અને માંદગી અને દુ:ખનું કારણ બને છે. તેનાથી છુટકારો મેળવવા માટે રાત્રે ઘરની આસપાસ લાલ દાળ ફેલાવી દો અને સવારે તેને બહાર ફેંકી દો.
આ ઉપરાંત પણ જો વાત કરવામાં આવે નોકરી અથવા સારી જોબની તો તેને લઈને પણ વાસ્તુની જાણકારી છે. જેમ કે જો તમે રોજગારમાં મુશ્કેલીનો સામનો કરી રહ્યા છો અથવા નવા ઘરમાં જતાની સાથે જ તમારા આશીર્વાદ ઓછા થવા લાગે છે, તો કાચા બીજમાંથી બનાવેલ સરસવના તેલનું દાન કરો. શનિવારે સાંજે પીપળના ઝાડ પાસે તેલનો દીવો પ્રગટાવવો પણ લાભદાયક છે.
જો નવા ઘરની સુખ-શાંતિમાં ખલેલ પહોંચતી હોય તો ઘરના મુખ્ય દ્વાર ઉપર સ્વસ્તિક યંત્ર સ્થાપિત કરવું જોઈએ. ભગવાન ગણેશની મૂર્તિ મુખ્ય દ્વારની બહાર સ્થાપિત કરવી જોઈએ. નવા ઘરમાં વાસ્તુ દોષ દૂર કરવા માટેનું ઉપકરણ લગાવવું જોઈએ. ઘરમાં લાફિંગ બુદ્ધા અને ક્રિસ્ટલ નો કાચબો રાખવાથી ઘરમાં સકારાત્મક ઉર્જા જળવાઈ રહે છે. દરરોજ ઘરમાં મીઠા ના પાણી થી પોતું મારવાથી ઘરમાં સમૃદ્ધિ આવે છે.
ઉલ્લેખનીય છે કે આ તમામ જાણકારીને માત્ર માન્યતાઓને આધારે તૈયાર કરવામાં આવી છે. આ બાબતે કોઈ પૃષ્ટિ કરવામાં આવતી નથી.