લાગણી તો જાનવરમાં પણ હોય,જુઓ આ વાયરલ વીડિયો

આ સૃષ્ટિ પર જેટલા જીવ છે – માણસને ગણતા – તો દરેક જીવમાં એક વાત સામાન્ય છે અને તે છે લાગણી, આ વિશ્વમાં કોઈ પ્રાણી કે જીવ એવું નથી જેનામાં લાગણી ન હોય, અને તેવા હજારો કિસ્સા આપણી સામે આવતા જ હોય છે. આવામાં એક કિસ્સો એવો સામે આવ્યો છે કે જેમાં બિહારમાં એક વાનર પોતાના બચ્ચાને લઈને દવાખાનામાં આવ્યું અને તેના ઈલાજની રાહ જોતું રહ્યું.

વાયરલ થયેલા વીડિયોમાં જોવા મળી રહ્યું છે કે બિહારના સાસારામમાં બનેલી એક અચરજભરી ઘટનામાં એક વાંદરો દવા લેવા માટે દવાખાને પહોંચ્યો હતો અને આ ઘટનાનો વીડિયો વાયરલ થયો હતો. વાંદરાના ચહેરા પર છાલા પડી ગયા હતા.

સાસારામના શાહજામા વિસ્તારમાં આવેલા ડો.એસ.એમ.અહમદના મેડિકો ક્લિનિકમાં બપોરની આસપાસ વાંદરો પ્રવેશ્યો હતો અને દર્દીના પલંગ પર બેઠો હતો. વાંદરાના ચહેરા પર ડાઘ પડી ગયા હતા. ડોક્ટર અહેમદે કહ્યું કે શરૂઆતમાં તે થોડો ડરી ગયો હતો, પરંતુ જ્યારે તેણે વાંદરાનો ચહેરો જોયો ત્યારે તે સમજી ગયો કે તેને ઈજા થઈ છે. ડોક્ટરે તેને ટેટનસનો શોટ આપ્યો અને તેના ચહેરા પર મલમ લગાવ્યું. વાંદરાએ આખી પ્રક્રિયા દરમિયાન ધીરજપૂર્વક પલંગ પર આરામ કર્યો હતો.

વાયરલ થયેલા વીડિયોમાં જોઈ શકાય છે કે એક વાંદરો એક ક્લિનિકમાં બેઠો હતો અને બહાર તેને જોવા માટે લાઈનો લાગી હતી. વાંદરો દર્દીની જેમ પોતાનો વારો આવે તેની રાહ જોઈને બેઠો હતો અને પોતાનો વારો આવ્યો ત્યારે તે ડોક્ટર પાસે ગયો હતો. ડોક્ટરે પણ તેની સારવાર કરી હતી, ડોક્ટરે તેના ઘા પર મલમપટ્ટો કરીને તેને રાહત આપી હતી. રાહત થતા વાંદરો ત્યાંથી જતો રહ્યો હતો.