નવી દિલ્હી, 07 ઓગસ્ટ 2026: ભારતીય ગ્રાન્ડમાસ્ટર આર. પ્રજ્ઞાનંદે અમેરિકામાં યોજાયેલી ‘ગ્રાન્ડ ચેસ ટૂર સેન્ટ લુઈસ રેપિડ એન્ડ બ્લિટ્ઝ’ સ્પર્ધાનું ટાઇટલ જીતી લીધું છે. 20 વર્ષીય પ્રજ્ઞાનંદે ટુર્નામેન્ટના અંતિમથી અગાઉના રાઉન્ડમાં ઉઝબેકિસ્તાનના ગ્રાન્ડમાસ્ટર જવોખિર સિંદારોવ સામેની મેચ ડ્રો કરીને આ ચેમ્પિયનશિપ પોતાના નામે કરી હતી. તેણે આ ટુર્નામેન્ટમાં કુલ 35માંથી 23 પોઈન્ટ્સ મેળવ્યા હતા.
પાંચ દિવસીય ટુર્નામેન્ટમાં પ્રજ્ઞાનંદે શરૂઆતથી અંત સુધી પોતાની સરસાઈ જાળવી રાખી હતી. સિંદારોવે અંતિમ તબક્કામાં આકરી ટક્કર આપી હતી, પરંતુ તે 1.5 પોઈન્ટના અંતરથી પાછળ રહીને બીજા સ્થાને રહ્યો હતો.
અગાઉ જૂન મહિનામાં, પ્રજ્ઞાનંદે ઓસ્લો ખાતે ‘નોર્વે ચેસ 2026’નો ખિતાબ જીતીને ઈતિહાસ રચ્યો હતો. તેણે દસમા અને અંતિમ રાઉન્ડમાં જર્મનીના વિન્સેન્ટ કીમરને હરાવ્યા હતા.
વધુ વાંચો: ભારતના મોહમ્મદ અશફાકે વર્લ્ડ એથ્લેટિક્સ અંડર-20 ચેમ્પિયનશિપમાં રાષ્ટ્રીય રેકોર્ડ તોડ્યો