નવી દિલ્હી, 20 માર્ચ 2026: Virat Kohli ભારતીય ક્રિકેટનો “રન મશીન”, વિરાટ કોહલી, IPL 2026 માં એક એવા સીમાચિહ્ન પર પહોંચવાની અણી પર છે જે આજ સુધી વિશ્વનો કોઈ અન્ય બેટ્સમેન હાંસલ કરી શક્યો નથી. રોયલ ચેલેન્જર્સ બેંગ્લોર (RCB) વતી રમનાર કોહલી, આ સિઝનમાં ઇતિહાસમાં સુવર્ણ અક્ષરોમાં પોતાનું નામ લખવા માટે તૈયાર છે.
વિરાટ કોહલી આઈપીએલમાં 9000 રનની નજીક
IPLના ઇતિહાસમાં 9,000 રન પૂરા કરનાર પ્રથમ બેટ્સમેન બનવા માટે વિરાટ કોહલીને ફક્ત 339 રનની જરૂર છે. 2008માં શરૂ થયેલી ટુર્નામેન્ટના 18 વર્ષના ઇતિહાસમાં કોઈ પણ ખેલાડી આ જાદુઈ આંકડા સુધી પહોંચી શક્યો નથી.
IPL 2008 થી, કિંગ કોહલીએ 260 મેચ રમી છે અને 8661 રન બનાવ્યા છે, જેમાં 8 સદી અને 63 અડધી સદીનો સમાવેશ થાય છે. આ સમયગાળા દરમિયાન, તેની સરેરાશ 39 છે અને તેનો સ્ટ્રાઇક રેટ 130 થી ઉપર છે. જો તે આ સિઝનમાં 339 રન બનાવે છે, તો તે આ મેગા રેકોર્ડ હાંસલ કરશે.
મહામુકાબલો ચિન્નાસ્વામી સ્ટેડિયમ ખાતે યોજાશે
IPL 2026 28 માર્ચથી શરૂ થવાનું છે. સીઝનની શરૂઆતની મેચમાં ડિફેન્ડિંગ ચેમ્પિયન RCB સનરાઇઝર્સ હૈદરાબાદ (SRH) સામે ટકરાશે. આ હાઇ-વોલ્ટેજ મુકાબલો બેંગલુરુના ઐતિહાસિક એમ. ચિન્નાસ્વામી સ્ટેડિયમ ખાતે રમાશે.