તહેવારોમાં મહિલાઓ સુંદર આભુષણો અને નવી ફેશનના વસ્ત્રો ધારણ કરીને આકર્ષણનું કેન્દ્ર બને છે. જો કે, આજકાલ પુરુષો માટે પણ કેટલાક આધુનિક અને સ્ટાઇલિશ વિકલ્પો છે, જે તેમને ખાસ બનાવશે.
કુર્તા-પાયજામા ક્લાસિક અને સ્ટાઇલિશ
તહેવારો પર પુરુષો માટે કુર્તા-પાયજામા સૌથી લોકપ્રિય પોશાક છે. ચૂડીદાર પાયજામા અથવા ધોતી પહેરી શકાય છે. આ પ્રસંગે સફેદ, ક્રીમ કે આછો પીળા જેવા હળવા રંગો વધુ પસંદ કરવામાં આવે છે. જો તમે થોડા અલગ દેખાવા માંગતા હોવ તો તમે કુર્તાને નેહરુ જેકેટ સાથે સ્ટાઇલ કરી શકો છો.
ધોતી-કુર્તા પુરૂષો માટે અન્ય પરંપરાગત વિકલ્પ છે. ખાસ કરીને જે પુરૂષો પરંપરાગત શૈલીમાં તહેવારોની ઉજવણી કરવા માગે છે તેમના માટે આ આઉટફિટ પરફેક્ટ છે. ધોતી સાથે સિમ્પલ સિલ્ક કે કોટનનો કુર્તો રોયલ લુક આપે છે. આ લુકને વધુ ખાસ બનાવવા માટે તમે કુર્તા પર લાઇટ એમ્બ્રોઇડરી અથવા બ્રોકેડ વર્ક પસંદ કરી શકો છો.
ઈન્ડો-વેસ્ટર્ન આઉટફિટ્સ મોર્ડન અને ટ્રેડિશનલનું ફ્યુઝન
પુરુષો માટે ઈન્ડો-વેસ્ટર્ન આઉટફિટ્સનો ટ્રેન્ડ પણ ઘણો વધી ગયો છે. આ લુકમાં તમે જીન્સ કે મોર્ડન ટ્રાઉઝર સાથે ટ્રેડિશનલ કુર્તાને સ્ટાઇલ કરી શકો છો. ઈન્ડો-વેસ્ટર્ન જેકેટ્સ પણ આ દેખાવને વધુ આકર્ષક બનાવે છે. જો તમારે કંઈક અલગ પહેરવું હોય તો ઈન્ડો-વેસ્ટર્ન શેરવાની પણ સારો વિકલ્પ બની શકે છે.
એસેસરીઝનું મહત્વ
પુરૂષો પણ એક્સેસરીઝથી પોતાના લુકને વધુ ખાસ બનાવી શકે છે. તહેવારો પર, સિલ્કનો દુપટ્ટો, કાંડા પર બ્રેસલેટ અને મેચિંગ શૂઝ તમારા દેખાવને પૂર્ણ કરે છે. આ સાથે કુર્તા કે ધોતી સાથે પરંપરાગત મોજડી પહેરવાથી તમારો લુક વધુ નિખારે છે.
ફૂટવેરની પસંદગી
ફૂટવેરની પસંદગી તમારા દેખાવને પૂર્ણ કરે છે. પુરુષો માટે મોજડી અથવા કોલ્હાપુરી ચપ્પલ શ્રેષ્ઠ વિકલ્પ છે. આ માત્ર ટ્રેડિશનલ નથી પણ સ્ટાઇલિશ પણ લાગે છે. કુર્તા કે ધોતી સાથે મોજડીનું કોમ્બિનેશન પરફેક્ટ છે.