- મુખ્ય ચૂંટણી પંચે આપ્યા સંકેતો
- આગામી વર્ષ સુધીમાં જમ્મૂ કાશ્મીરમાં ચૂંટણી યોજાઇ શકે
- અનુસૂચિત જનજાતિ માટે અલગ બેઠકો હશે
નવી દિલ્હી: ચૂંટણી પંચ જમ્મૂ કાશ્મીરમાં હવે સીમાંકનની પ્રક્રિયા શરૂ કરવા માટે દરેક પક્ષો સાથે ચર્ચા કરી રહ્યું છે. આ બધા વચ્ચે શુક્રવારે મુખ્ય ચૂંટણી પંચ દ્વારા મોટી જાહેરાત કરવામાં આવી હતી. જમ્મૂ કાશ્મીરમાં સીમાંકનને લઇને તૈયારીઓ શરૂ થઇ ગઇ છે.
સીમાંકન પંચ હાલમાં જમ્મૂ કાશ્મીરની મુલાકાતે છે. આ સમયે મુખ્ય ચૂંટણી પંચના સુશીલ ચંદ્રા દ્વારા જાહેરાત કરવામાં આવી હતી કે જમ્મૂ કાશ્મીરમાં અનુસૂચિત જનજાતિ માટે પણ બેઠકો અનામત હશે. સાથે જ આવતા વર્ષે રાજ્યમાં ચૂંટણી પણ યોજાઇ શકે છે.
સુશીલ ચંદ્રાએ જાણકારી આપી છે કે અમે જમ્મૂ કાશ્મીરના બધા જ જીલ્લા અધિકારીઓ સાથે મુલાકાત કરી છે અને બધા જ અધિકારીઓ દ્વારા મહત્વપૂર્ણ જાણકારી આપવામાં આવી છે. વર્ષ 1995માં જમ્મૂ કાશ્મીરમાં 12 જીલ્લાઓ હતા પણ હવે આ જીલ્લાઓ વધીને 20 જીલ્લાઓ થઇ ગયા છે. અમને ખાતરી છે કે માર્ચ 2022 સુધીમાં સીમાંકનની પ્રક્રિયા પૂર્ણ થઇ જશે. અમે આ વર્ષ 2011ની વસતીના આધારે સીમાંકન તરફ આગળ વધી રહ્યા છે.
આ એક જટિલ પ્રક્રિયા છે પરંતુ આ મહત્વપૂર્ણ કામ પણ છે. તેઓ જમ્મૂ કાશ્મીરમાં 7 સીટો જોડશે. સાથે જ ST કેટેગરી માટે પણ સીટો આરક્ષિત કરશે. આ સાથે જ 24 સીટો PoK માટે અલગ રહેશે.