- કંગના રનૌતના શોમાં વધુ એક ટ્વિસ્ટ
- જેલર કરણ કુન્દ્રા છોડશે શો
- કરણની જગ્યા લેશે શહેનાઝ ગિલ
મુંબઈ:કંગના રનૌતનો લોકપ્રિય વેબ શો લોકઅપ ટૂંક સમયમાં જ ફિનાલે થવા જઈ રહ્યો છે, પરંતુ શોમાં હજુ પણ રસપ્રદ ટ્વિસ્ટ જોવા મળી રહ્યા છે. હવે સમાચાર છે કે આ શોનો જેલર કરણ કુન્દ્રા ટૂંક સમયમાં વિદાય લેવાનો છે. બિગ બોસમાં જોવા મળેલી શહેનાઝ ગિલ ટૂંક સમયમાં તેનું સ્થાન લેવા જઈ રહી છે. મીડિયા રિપોર્ટ્સ અનુસાર, મેકર્સ લાંબા સમયથી શહનાઝને શોનો હિસ્સો બનાવવા માંગતા હતા, પરંતુ શહનાઝ તેના વ્યસ્ત શેડ્યૂલને કારણે તેને હા કહી શકી ન હતી.
કહેવામાં આવી રહ્યું છે કે,હવે કંગનાના કહેવા પર તે શોમાં કામ કરવા માટે રાજી થઈ ગઈ છે.મીડિયા રિપોર્ટ્સ અનુસાર, કરણ તેના કેટલાક પ્રોજેક્ટ્સમાં વ્યસ્ત છે, જેના કારણે તે શોમાં આગળ વધી શકશે નહીં. માહિતી અનુસાર, કરણ હાલમાં ડાન્સ દીવાને જુનિયર્સને હોસ્ટ કરી રહ્યો છે, જેના કારણે તે કંગનાના શો માટે સમય કાઢી શક્યો ન હતો.
કંગનાનો લોકઅપ શો એ અત્યાર સુધીના સૌથી લોકપ્રિય વેબ શોમાંનો એક છે.તાજેતરમાં જ આ શોના જજમેન્ટ ડે એપિસોડે 6 મિલિયન વ્યૂઝનો રેકોર્ડ તોડ્યો છે.નોંધપાત્ર વાત એ છે કે,આ શોમાં રહેવા માટે કેદીઓને તેમના રહસ્યો શેર કરવા પડશે.હાલમાં જ શોના સ્પર્ધક મુનવ્વર ફારૂકીએ પોતાના જીવન સાથે જોડાયેલો એક મોટો ખુલાસો કર્યો છે.
તે બાળપણમાં જાતીય શોષણનો શિકાર બન્યો હતો.આ ખુલાસા પછી ત્યાં હાજર દરેકની આંખોમાં આંસુ આવી ગયા.આ પછી કંગનાએ કહ્યું હતું કે,જ્યારે તે નાની હતી ત્યારે તેના શહેરમાં તેના કરતા 2-3 વર્ષ મોટો એક છોકરો તેને અયોગ્ય રીતે સ્પર્શ કરતો હતો,પરંતુ તે પછી તેની નાની ઉંમરના કારણે તેને ખબર નહોતી કે,તેની સાથે શું થઈ રહ્યું છે.